އާޒިމް އިންތިހާބު ކާމިޔާބު ކުރެއްވީ ރައްޔިތުންގެ މަޖިލީހުގެ މާފަންނު ހުޅަނގު ދާއިރާގެ ކުރީގެ މެންބަރު މުހައްމަދު ފަލާހުއާއި ވާދަކޮށްގެންނެވެ.
މިހާތަނަށް ލިބިފައިވާ ނަތީޖާތަކުން އާޒިމް އަށް 610 އަށް ވުރެ ގިނަ ވޯޓު ވަނީ ލިބިވަޑައިގެންފަ އެވެ. ފަހާލަށް އަދި ލިބިވަޑައިގަތީ 250 އެއްހާ ވޯޓެވެ.
މި އިންތިހާބު ކާމިޔާބު ކުރުމާ ގުޅިގެން ސޯޝަލް މީޑިއާގައި އެމްޑީޕީގެ އާންމު މެމްބަރުން އަންނަނީ އާޒިމަށް މަރުހަބާ ކިޔަމުންނެވެ.
އެމްޑީޕީގެ މާލެ ދާއިރާގެ ރައީސްގެ މަގާމް ހުސްވީ މީގެ ކުރިން އެ މަގާމުގައި ހުންނެވި މާލޭގެ ކުރީގެ މޭޔަރު މުހައްމަދު ޝިފާ އިސްތިއުފާ ދެއްވުމާ ގުޅިގެންނެވެ.
މިއަދު މާލެ ދާއިރާ ހިމެނޭހެން ޖުމްލަ 20 ދާއިރާއެއްގެ ބައި އިލެކްޝަން ކުރިއަށް ދިޔަ އެވެ. މިއަދު ބޭއްވި އެމްޑީޕީގެ ދާއިރާތަކުގެ ބައި-އިލެކްޝަންއަކީ އެ ޕާޓީގެ ގައުމީ މަޖިލީހުގައި ހުސްވެފައިވާ ދާއިރާގެ މަގާމުތަކަށް ފަރާތްތައް އިންތިހާބު ކުރުމަށް ބޭއްވި އިންތިހާބެކެވެ.
