އެ ކުންފުނިން އާންމުކޮށްފައިވާ ކުއާޓަލީ ތަފާސްހިސާބުތައް ދަށްކާ ގޮތުގައި މި އަހަރުގެ ދެވަނަ ކުވާޓާގައި ޖުމްލަ ފައިދާ ގޮތުގައި 240،439 މިލިއަން ރުފިޔާ ލިބިފައި ވެ އެވެ. މިދިޔަ ކުއާޓަރުއާ އަޅާބަލާ އިރު ވަނީ 22،295 މިލިޔަން ރުފިޔާގެ ފައިދާ އިތުރު ވެފަ އެވެ.
މީގެ ތަފްސީލަށް ބަލާއިރު ދިރާގުގެ ރިޕޯޓުގައި ވަނީ އެކުންފުންޏަށް ފޯނުގެ ހިދުމަތްތަކުން 358،921 މިލިޔަން ރުފިޔާ ލިބިފަ ކަމަށެވެ. މީގެ އިތުރުން ބްރޯޑްބޭންޑްގެ ހިދުމަތްތަކުން 307،249 މިލިޔަން ރުފިޔާ ލިބިފައިވާ ކަމަށް މި ރިޕޯޓުގައި ވެ އެވެ. އެހެނިހެން ގޮތްގޮތުން 21،089 މިލިޔަން ރުފިޔާ ލިބިފައިވާކަމަށް ވެސް ފާހަގަ ކޮށްފައި ވެއެވެ. މިއަހަރުގެ ދެކުއާޓާ ނިމިގެން ދިޔައިރު މުޅި ޖުމްލަ 1 ބިލިޔަނަށް ވުރެން ގިނަ ރުފިޔާ ދިރާގަށް ލިބިފައި ވެ އެވެ.
ޓެކުހަށް ކެނޑުމަށްފަހު މި އަހަރުގެ ދެވަނަ ކުއާޓަރުގައި ދިރާގަށް ފައިދާގެ ގޮތުގައި 240.4 މިލިއަން ރުފިޔާ ލިބުނުއިރު މި އަދަދު މި އަހަރުގެ ފުރަތަމަ ކުއާޓަރުގައި ހުރީ 218.1 މިލިއަން ރުފިޔާގަ އެވެ.
މި އަދަދު މިދިޔަ އަހަރުގެ ދެވަނަ ކުއާޓަރުގައި ހުރީ 227.6 މިލިއަން ރުފިޔާގަ އެވެ.
