އާރުޓީއެލްގެ ފުވައްމުލައްވާދޫ ރޫޓަށް ފަރެސްމާތޮޑާ އިތުރުކޮށްފި
އަލީ މިދުހަތު
03 އޯގަސްޓް 2024 - 23:20:35
އެމްޓީސީސީން ދެމުން ގެންދާ "އާރުޓީއެލް" ފެރީ ހިދުމަތުގައި ހިމެނޭ ފުވައްމުލައް ސިޓީން ހުވަދު އަތޮޅުގެ ރަށްތަކަށް ދަތުރުކުރާ ރޫޓުތަކުގެ ތެރެއިން ގދ. ވާދޫ ރޫޓަށް އެ އަތޮޅު ފަރެސްމާތޮޑާ އިތުރުކޮށްފި އެވެ.
Advertisement
އެމްޓީސީސީ އިން ބުނީ އެ ކުންފުނިން ފޯރުކޮށްދޭ އާރުޓީއެލް ފެރީ ހިދުމަތުގައި ހިމެނޭ ޒޯން 5 (ހުވަދޫ އަތޮޅު) އަދި ޒޯން 6 (އައްޑޫ ސިޓީ/ފުވައްމުލައް ސިޓީ) ގުޅުވައިދޭ ފުވައްމުލައް – ވާދޫ ރޫޓަށް މާދަމާ އިން ފެށިގެން ފަރެސްމާތޮޑާއަށް ހުއްޓާގޮތަށް އިތުރުކޮށްފައިވާ ކަމަށެވެ.
މިފަދައިން ބަދަލު ގެނެވިފައިވަނީ ކަސްޓަމަރުންގެ ފީޑްބެކް އަށް ބެލުމަށްފަހުގައި މި ޒޯނުގެ ހިދުމަށް އިތުރަށް ރަނގަޅު ކުރުމަށް ކަމުގައިވެސް އެ ކުންފުނިން ބުނެފައިވެއެވެ.
މީގެ ކުރިން އެ ރޫޓުން ދަތުރުކުރަނީ ފުވައްމުލައް ސިޓީން ވާދޫއަށް އެކަންޏެވެ. މި ގެނެވުނު ބަދަލާއެކީ ދެން ފަރެސްމާތޮޑާއަށް ވެސް ފެރީ ދަތުރުކުރާނެ އެވެ.
އެމްޓީސީސީން ދެމުން އަންނަ އާރުޓީއެލް ބަހާއި ފެރީގެ ހިދުމަތުގައި މިހާރު މާލެއާއި އަތޮޅުތަކުގައި 105 ބަސް އަދި ފެރީގެ ހިދުމަތުގައި 25 އުޅަނދު ބޭނުންކުރެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
