އެ ދެ މީހުން ހައްޔަރުކޮށްފައި ވަނީ ފުލުހެއްގެ ސައިކަލަކަށް ގެއްލުންދީ، އިތުރު ފުލުހެއްގެ ސައިކަލެއްގައި ރޯކޮށްލި މައްސަލައިގަ އެވެ. ހެނބަދޫ ޕޮލިސް ޕޯސްޓުގައި މަސައްކަތްކުރާ ފުލުހުންނާއި ފުލުހުންގެ އާއިލާތަކާއި މުދަލަށް ގެއްލުންދޭނެ ކަމަށް ބުނެ މީހުން އިންޒާރު ވެސް ދެމުންދާ ކަމަށް ފުލުހުން ބުނެފައިވެއެވެ.
ހައްޔަރު ކުރި ދެމީހުން
- އިލްޔާސް އިބްރާހިމް / ސެލްވިޔޯ ނ.ހެނބަދޫ (33 އަހަރު )
- މުހައްމަދު އިރުޝާދު / ހުދުތަރި ނ.ހެނބަދޫ (33 އަހަރު )
ފުލުހުންގެ ތަރުޖަމާނު އެސްސިސްޓެންޓް ކޮމިޝަނަރު އޮފް ޕޮލިސް އަހްމަދު ޝިފާން ވިދާޅުވީ މި ދެމީހުން ފުލުހުންގެ މުދަލަށް ގެއްލުން ދިނީ ނޫނު އަތޮޅުގައި ފުލުހުން ހިންގަމުންދާ މަސްތުވާތަކެތީގެ އޮޕަރޭޝަނަކާއި ދެކޮޅަށް އެކަމުގައި ތުހުމަތު ކުރެވޭ ބަޔަކު ކޮށްފައިވާ ކަމެއްކަމަށް ތުހުމަތުކުރެވޭކަމަަށެވ. އަދި މި ކަމުގެ ސަބަބުން ފުލުހުން އެއްވެސް ވަރަކަށް ފަހަތަށް ނުޖެހޭނެކަމަށްވެސް ޝިފާން ވިދާޅުވިއެވެ.
މި ދެ މީހުން ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށް ފުލުހުން ބުންނެވެ. މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ
