މަސްކިރާ ބޯޓެއް - ފޮޓޯ: މިފްކޯ
މެދު ރާއްޖެތެރޭގެ މަސްވެރިކަން ރަނގަޅުވެ، މާލެ ކައިރީގައި މަސްކިރާ ބޯޓެއް
އަލީ މިދުހަތު
05 އޯގަސްޓް 2024 - 13:23:41
ކާފު އަތޮޅާއި މީމު އަތޮޅުގެ މަސްވެރިކަން ރަނގަޅު ވުމާ ގުޅިގެން، މިފްކޯގެ މަސް ކިރާ ބޯޓުތައް މާލެ ކައިރިއަށާއި މީމު އަތޮޅަށް ފޮނުވާފައިވާ ކަމަށް އެ ކުންފުނިން މިއަދު ބުނެފި އެވެ.
Advertisement
މިކަމާ ގުޅިގެން މިފްކޯއިން މީޑިއާތަކަށް ފޮނުވާފައިވާ މެސެޖެއްގައި ވަނީ މާލެ ސަރަގައްދުގައި މަސްވެރިކަން ރަނގަޅުވެފައި ވާތީ މިފްކޯގެ ބޯޓު "ރެހެނދި 20" މާލެ ސަރަހައްދުގައި މަސްކިރުމަށް ބާއްވާފައި ވާނެކަމަށެވެ. އަދި "ރަންދި 23" މިހާރު ވެސް އޮތީ މ. އަތޮޅުގަ އެވެ.
މިފްކޯއިން ބުނިގޮތުގައި ތ. އަތޮޅާއި ލ. އަތޮޅާ ދެމެދުގައި މެދު ކޮންމެވެސް ވަރަކަށް މަސްވެރިކަން ރަނގަޅު ނަމަވެސް، ދެކުނުގެ އަތޮޅުތަކުގައި މަސްވެރިކަން ރަނގަޅުވާނެ ކަމަށް ލަފާ ކުރެވެނީ އަންނަ ހަފުތާއިން ފެށިގެންނެވެ.
މިފްކޯއަށް އިއްޔެ ވަނީ މ. އަތޮޅުގެ 11 ދޯނިން 27.04 މެޓްރިކް ޓަނުގެ މަސް ކިރުވާފައިވާ ފައެވެ.
ރާއްޖޭގެ ކަންކޮޅުތަކުގެ މަސްވެރިކަން މިހާރު ރަނގަޅުވަމުން އަންނަކަމަށް މިފްކޯއިން ބުނެފައި ވާއިރު މަސް ގަންނަން ނުލިބޭތީ މި ދުވަސްވަރު ރައްޔިތުންގެ ޝަކުވާ ވަނީ ބޮޑުވެފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
