މީޑިއާ ރިޕޯޓްތަކުން ބުނާ ގޮތުގައި ވެއްޓިފައިވަނީ ބްރެޒިލްގެ ކަސްކަވަލްއިން ފުރައިގެން ސޯ ޕައުލޯއަށް ދަތުރު ކުރަމުން ދިޔަ މަތިންދޯބޯޓެކެވެ. އެ ބޯޓުން 58 މީހުން ދަތުރުކުރިއިރު، ހަތަރު ކްރޫއިންނާއި އެކީ ޖުމްލަ 62 މީހުން ތިބި ކަަމަށް މީޑިއާ ރިޕޯޓްތަކުން ވަނީ ބުނެފައެވެ.
ބްރެޒިލްގެ މި މަތިންދާބޯޓު ވެއްޓޭ މަންޒަރު ފެންނަ ވީޑިއޯތަކެއް މީސްމީޑިއާގައި ދައުރުވަމުން އަންނައިރު، އެ ވީޑިއޯތަކުން ފެނިގެން ދަނީ ކޮންޓްރޯލުން ނެއްޓި ފްލައިޓު ބިންމައްޗަށް ވެއްޓޭ މަންޒަރެވެ. އަދި ބިމުގައި ޖެހުނު ހިސާބުން ބޮޑު އަލިފާންގަނޑެއް ފެތުރިގެންދާ މަންޒަރު ވެސް ފެނިގެންދެ އެވެ.
އެއަރލައިން އިން ބުނެފައިވަނީ ހާދިސާ ހިނގަން ދިމާވި ސަބަބާ ބެހޭ ގޮތުން މައުލޫމާތެއް އަދި ލިބިފައި ނުވާ ކަމަށެވެ. ރިޕޯޓްތައް ބުނާ ގޮތުގައި މި ހާދިސާގައި ބޯޓުން ދަތުރުކުރި އެންމެން ވަނީ މަރުވެފަ އެވެ.
ބްރެޒިލްގެ ސިވިލް އޭވިއޭޝަން އެޖެންސީން ވަނީ ފްލައިޓުގައި ތިބި ކްރޫންނަކީ ލައިސެންސް ލިބިފައިވާ ހުރިހާ ކޮލިފިކޭޝަނެއް ވެސް ފުރިހަމަ ބައެއް ކަމަށް ބުނެފަ އެވެ. އަދި އެ މަތިންދާބޯޓަކީ ވެސް ރަނގަޅު ހާލަތެއްގައި އޮތް ބޯޓެއް ކަމަށާއި މި ހާދިސާގެ ތަހުގީގު ވަރަށް ގާތުން ބަލަމުންދާނެ ކަމަށް އެ އެޖެންސީން ބުނެފައިވެ އެވެ.
