ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) ބުނީ މިދިޔަ މެއި/ޖޫން މަހު ބޭއްވި އޯލެވެލް އިމްތިހާނުގެ ނަތީޖާ މިއަދު 12:00 ފެށިގެން ދޫކުރަން ފަށާފައިވާކަމަށެވެ.
އަދި އިމްތިހާނުގެ ނަތީޖާ ރީޗެކްކުރަން ބޭނުންވާ ދަރިވަރުންނަށް މާދަމާއިން ފެށިގެން މި މަހުގެ ނިޔަލަށް އެކަމަށް އެދި ހުށައެޅޭނެކަމަށް ޑީޕީއީ ބުނެއެވެ. އަދި ނަތީޖާ ރީޗެކްކުރަން ހުށައަޅަން ޖެހޭނީ އެ ދަރިވަރަކު އިމްތިހާނު ހެދި ސެންޓަރަކަށްކަމަށްވެސް ޑީޕީއީއިން ބުނެއެވެ.
ރާއްޖޭގެ 257 ސެންޓަރުގައި އައިޖީސީއެސްއީ އަދި އެސްއެސްސީ އިމްތިހާނު ހިމެނޭ ގޮތަށް 7،501 ދަރިވަރުން މިދިޔަ އޯލެވެލް އިމްތިހާން ހެދިއެވެ. އެސްއެސްސީ 346 ކުއްޖަކަކު ވަނީ ހަދާފައެވެ.
އޯލެވެލެގެ ނަތީޖާ ދޫކުރަން ފަށާފައިވާއިރު ސެންޓަރ ފޯ ހަޔަރ ސެކަންޑަރީ އެޑިޔުކޭޝަން (ސީއެޗްއެސްއީ) ހުޅުމާލެއާއި މާލޭގައި އަލަށް ހުޅުވާ ސްކޫލަށަށް ވަންނަން ބޭނުންވާ ދަރިވަރުންނަށް މިއަދުން ފެށިގެން ވަނީ ފުރުސަތު ހުޅުވާލާފައެވެ.
