އިންޑިއާގެ 78 ވަނަ މިނިވަން ދުވަހުގެ މުނާސަބަތުގައި ހައިކޮމިޝަންގައިވަނީ ދިދަ ނެގުމުގެ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި ރާއްޖޭގައި ދިރިއުޅެމުންދާ އިންޑިއާ ރައްޔިތުންނާއި ހައިކޮމިޝަންގެ މުވައްޒަފުން ވަނީ ބައިވެރިވެފައެވެ.
އިންޑިއާގެ ސަގާފީ ހަރަކާތެއް ވެސް ކުރިއަށް ގެންދިޔަ މި ރަސްމިއްޔާތުގައި އެ ގައުމުގެ ދިދަ ހައިކޮމިޝަންގައި ނަގާދެއްވީ އެގައުމުން ރާއްޖެއަށް ކަނޑައަޅުއްވާފައިވާ ސަފީރު މުނޫ މަހާވަރެވެ.
އިންޑިއާގެ މިނިވަންދުވަސް ފާހަގަކުރަން ބޭއްވި ރަސްމިއްޔާތުގެ ތެރެއިން
އަވަށްޓެރި އިންޑިއާގެ 76 ވަނަ މިނިވަންދުވަހާ ގުޅިގެން އެ ގައުމުގެ ވެރިންނާއި ރައްޔިތުންނަށް ރައީސް ޑރ. މުހައްމަދު މުއިއްޒު ވެސް ވަނީ ތަހުނިޔާ ފޮނުއްވައިފައެވެ.
އިންޑިއާގެ މިނިވަން ދުވަހާއި ގުޅިގެން ޑރ. މުއިއްޒު އެކްސްގައި ކުރެއްވި ޕޯސްޓެއްގައި އެ ގައުމުގެ ރައީސް ރަޝްތުރަޕާތީ ބަވަން އަދި ބޮޑުވަޒީރު ނަރެންދުރަ މޯދީއަށާއި އެ ގައުމުގެ ރައްޔިތުންނަށް މަރުހަބާ ވިދާޅުވެ ތަހުނިޔާ ފޮނުއްވާފައެވެ. އަދި ރާއްޖެއާއި އިންޑިއާއާ ދެމެދު އޮތް ޒަމާންވީ އެކުވެރިކަމައި ގާތްގުޅުމުން ރާއްޖެއަށާއި މި ސަރަހައްދަށް ލިބުނީ އަމާންކަމާއި ތަރައްގީކަމަށްވެސް ރައީސް އެކްސްގައި ކުރެއްވި ޕޯސްޓްގައިވެއެވެ.
