ސްރީ ލަންކާގެ ކުރުނެގަލާގައި ބާއްވާ "ސިލޯނާ 2024 އިންޓަނޭޝަނަލް ކޭމްޕް" ގައި މޯލްޑިވްސް ގާލް ގައިޑް އެސޯސިއޭޝަނުން ބައިވެރިވާ ގައިޑް ދަރިވަރުންނާއި އެ ދަރިވަރުންގެ ބެލެނިވެރިން އަދި ލީޑަރުންނާ ބައްދަލުކުރައްވައި ފަސްޓް ލޭޑީ ވިދާޅުވީ ގާލް ގައިޑް ހަރަކާތުން އަންހެން ދަރިންތަކެއް ބިނާވެގެން ދިއުމުގެ ފައިދާ އާއިލާތަކާއި މުޖުތަމައުން ކުރާ ކަމަށެވެ. އަދި އެކަމުގެ ފައިދާ އޮތީ މުޅި ގައުމަށް ކަމަށް ވެސް ވިދާޅުވި އެވެ.
އެ ކަމަނާ ވިދާޅުވީ، ގާލްގައިޑް ހަރަކާތްތަކުގެ އެންމެ ބޮޑު އެއް ބޭނުނަކީ ދިރިއުޅުމުގެ ހުނަރުތަކާއި ބައިނަލްއަގުވާމީ ގުޅުންތަކަށް އަހުލުވެރިކުރުވުން ކަމަށެވެ.
މީގެއިތުރުން ގާލްޑައިޑް ޙަރަކާތުގައި ބައިވެރިވެ ގިނަ އަންހެން ދަރިންތަކެއް ބިނާވެގެން ދިއުމުގެ ފައިދާ އާއިލާތަކާއި މުޖުތަމައަށް އަދި މުޅި ގައުމަށްވެސް ކުރާނެކަން މެޑަމް ސާޖިދާ ފާހަގަކުރެއްވި އެވެ.
މި ޖަލްސާގައި މެޑަމް ސާޖިދާ ވަނީ ކޭމްޕުގައި ބައިވެރިވާ ރާއްޖޭގެ ކޮންޓިންޖެންޓުގެ އިސްވެރިޔާއަށް ގައުމީ ދިދަ ހަވާލުކޮށްދެއްވާފަ އެވެ.
ސްރީލަންކާގެ ކުރުނެގަލާގައި ބާއްވާ ސިލޯނާ 2024 އިންޓަނޭޝަނަލް ކޭމްޕްގައި ރާއްޖޭގެ 38 ސްކޫލަކުން 305 ގާލްގައިޑުންނާ، 32 އެޑަލްޓް ލީޑަރުން ބައިވެރިވެ އެވެ.
