މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓަރސް (މަޓާޓޯ) އިން އިންތިޒާމްކޮށްގެން ބާއްވާ މި ހަރަކާތުގެ މަގްސަދަކީ ރާއްޖޭގެ ޓޫރިޒަމް ދާއިރާގައި އުޅޭ އަންހެނުންނަށް ދިމާވާ ގޮންޖެހުންތަކާ މެދު ހޭލުންތެރިކަން އިތުރުކޮށް އެކަންކަން ހައްލުކުރުމެވެ. އެގޮތުން ޓޫރިޒަމް ދާއިރާގެ މުހިއްމު އަންހެން ބޭފުޅުން ހިމެނޭ ދެ ޕެނަލެއް ފެނިގެންދާނެ އެވެ.
ރާއްޖޭގެ ހޮސްޕިޓަލިޓީ އިންޑަސްޓްރީގެ ޑިޖިޓަލް ޓްރާންސްފޯމޭޝަން ޕާޓްނަރުގެ ހައިސިއްޔަތުން، އެ ދާއިރާގެ މަސައްކަތްތައް އިތުރަށް ތަރައްގީ ކުރުމުގެ މަގްސަދުގައި ހިންގާ އެފަދަ އިވެންޓްތަކަށް ސަޕޯޓް ދިނުމަކީ ދިރާގަަށް ލިބޭ ވަރަށްބޮޑު އުފަލެއްކަމަށް ދިރާގުން ފާހަގަކުރެ އެވެ.
މަޓާޓޯގެ ސީއީއޯ އާމިނަތު ސޫޒަން ވަނީ ކޮންފަރެންސްގެ ކާމިޔާބީ ކަށަވަރުކޮށްދިނުމުގައި ދީރާގުން ދޭ ދީލަތި އެއްބާރުލުމާއި ހިއްސާއަށް ޝުކުރު އަދާކުރައްވާފަ އެވެ. އަދި އެ ހަރަކާތަކީ ފަތުރުވެރިކަމުގެ ދާއިރާގައި އަންހެނުން ބާރުވެރިކުރުން ކުރިއެރުވުމަށް މަޓާޓޯއިން ކުރަމުންދާ މަސައްކަތުގެ ހެކިތަކެއް ކަމަށާއި، މި އަހަރީ ކޮންފަރެންސްގެ ގެނައުމަށް ދިރާގާ ގުޅިގެން މަސައްކަތްކުރެވިގެން ދިއުމަކީ މަޓާޓޯއިން ފަހުރުވެރިވާ ކަމެއްކަމަށްވެސް ސީއީއޯ ސުޒާން ވިދާޅުވި އެވެ.
މޯލްޑިވްސް ޓްރެވަލް ކޮންފަރެންސް ވިމެންސް އެޑިޝަން 2024 ބޭއްވުމަށް ހަމަޖެހިފައިވަނީ 19 އޮގަސްޓް ވާ ހޯމަ ދުވަހު ޖެން މޯލްޑިވްސް ބައި ޝަންގްރިއްލާގަ އެވެ.
އަންހެނުން ބާރުވެރިކުރުވައި، ރާއްޖޭގެ ރައްޔިތުންގެ މުހިންމު ދާއިރާތައް ތަރައްގީކޮށް، ރާއްޖޭގައި ރައްޔިތުންގެ ދިރިއުޅުމުގެ ފެންވަރު ރަނގަޅުކޮށް ކުރިއަށް ގެންދާ އިވެންޓްތަކާއި އިސްނެގުމުގައި ފުރިހަމަ އެއްބާރުލުން ދޭނެކަމަށް ދިރާގުން ބުނެ އެވެ،
