ވިއްކުން މަނާކުރި ކޮފްސީ ސިރަޕް
ކޮފްސީ ސިރަޕް ބޭނުންކުރުމާއި ވިއްކުން މަނާކޮށްފި
އަލީ މިދުހަތު
19 އޯގަސްޓް 2024 - 14:32:31
ކެއްސާތީ ބޯ ބޭހެއްކަމަށްވާ ކޮފްސީ ސިރަޕުގައި ކުނޑިކޮޅުތަކެއް ހުރިކަމަށް ފާހަގަވެ، އެކަމަށް ސަމަލުވާން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން އިލްތިމާސްކޮށްފި އެވެ.
Advertisement
މޯލްޑިވްސް ފުޑް އެންޑް ޑްރަގު އޮތޯރިޓީން ނެރުނު ބަޔާނެއްގައި ވަނީ ރާއްޖެ އެތެރެކޮށް ބޭނުންކުރާ ކޮފްސީ ސިރަޕުގައި ކުނޑި ކޮޅުތަކެއް ހުންނަކަން ފާހަގަކުރެވިފައިވާތީ އެބޭހުގެ ރައްކާތެރިކަން ކަށަވަރުކުރުމަށް މިކަންތައް އިތުރަށް ބަލަމުންދާ ކަމަށެވެ.
"މި ބޭހުގެ ރައްކާތެރިކަން ކަށަވަރުކުރުމަށްޓަކައި މިކަންތައް އިތުރަށް ބެލުމުގެ މަސައްކަތް މިއޮތޯރިޓީގެ ފަރާތުން މިގެންދަނީ ކުރަމުން. ވީމާ ދިމާވެފައިވާ މިވާ މައްސަލަ މި އޮތޯރިޓީން ބެލުމަށްފަހު ވަކި ގޮތެއް އަންގަންދެން މި ޕްރޮޑަކްޓް އެތެރެކުރުމާއި، ވިއްކުމާއި އަދި ބޭނުންކުރުމަކީ މަނާކަމެއް ކަމުގައި ދަންނަވަން،" އެ އިދާރާގެ ބަޔާނުގައިވެ އެވެ.
ރާއްޖެ އެތެރެކުރާ ބޭސްތަކުން މިފަދަ މައްސަލަތައް ފާހަގަވާނަމަ އެ ބޭހެއް ބޭނުން ނުކުރުމަށް އެމްއެފްޑީއޭއިން އަބަދު ވެސް އިލްތިމާސްކުރެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
