ކެދިކުޅުދޫ ކައުންސިލުން ބޭއްވި ރަސްމިއްޔާތުގައި ސްޓާކެންގެ ފަރާތުން އެއްބަސްވުމުގައި ސޮއިކުރީ އެ ކުންފުނީގެ ޑިރެކްޓަރު ސާމިހް މުހައްމަދު އެވެ. އަދި ކެނދިކުޅުދޫ ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް މުހައްމަދު ރައޫފް އެވެ.
ކެނދިކުޅުދޫ ކައުންސިލުގެ ރައީސް މުހައްމަދު ރައޫފް "ސީއެންއެމް" އަށް މިއަދު ވިދާޅުވީ، ޓޫރިސްޓް ފެސިލިޓީ އަޅަން ހަމަޖެހިފައިވާ ބިމަކީ އެއް ހެކްޓަރުގެ ބިމެއް ކަމަށާއި، މި ބިން ކުއްޔަށް ދޫކޮށްފައި ވަނީ 50 އަހަރަށް ކަމަށެވެ.
ކެނދިކުޅުދޫގައި ޓޫރިސްޓް ފެސިލިޓީއެއް ގާއިމުކުރުމަށް ސްޓާކެން ކޮންސަލްޓިން ޕްރައިވެޑް ލިމިޓެޑާ ހަވާލުކުރުން - ފޮޓޯ/ ކެނދިކުޅުދޫ ކައުންސިލް
ރައޫފް ވިދާޅުވީ، މި ފެސިލިޓީގެ އަމަލީ މަސައްކަތް ފެށުމަށް ތައްޔާރުވަމުންދާ ކަމަށާއި، މި ފެސިލިޓީގެ މަސައްކަތް ސްޓާކެން އާއި ހަވާލުކޮށްފައި ވަނީ އެއް އަހަރު ދުވަހުގެ ތެރޭގައި ނިންމާގޮތަށް ކަމަށެވެ.
މި މަޝްރޫއުގެ މަސައްކަތް ކެނދިކުޅުދޫ ކައުންސިލުން ސްޓާކެން ކުންފުންޔާއި ހަވާލު ކޮށްފައި ވަނީ، 3302828 (ތިރީސްތިން މިލިޔަން ދެހާސްއައްސަތޭކަ އަށާވީސް) ރުފިޔާ އަށެވެ.
މާފަރު އިންޓަނޭޝަނަލް އެއާޕޯޓުން ލޯންޗުގައި 10 ވަރަކަށް މިނެޓުން ދެވޭ ހިސާބުގައި އޮތް ކެނދިކުޅުދޫއަކީ، ގުދުރަތީ ގޮތުން ރީތި ކަނޑޫފަލަކާއި ކުޅިއެއް އޮންނަ ރަށެކެވެ.
