އެފްއޭއެމްގެ ރައީސް ބައްސާމް އަދީލް ޖަލީލް ސަސްޕެންޑް ކުރުމަށް ފަހު، އެފްއޭއެމްގެ ނޯމަލައިޒޭޝަން ކޮމިޓީ ފީފާއާއި އޭއެފްސީން އެކުލަވާލާފައިވާއިރު، މި ކޮމިޓީ ލީޑު ކުރައްވާނީ ކުރީގެ ކުޅިވަރު ވަޒީރު ޒުހޫރުއެވެ. ޒުހޫރުއާއެކު އެ ކޮމިޓީގައި ދެން ހިމެނިވަޑައިގަންނަވަނީ މެންބަރުންގެ ގޮތުގައި ފަރީހާ ޝަރީފް، އަހްމަދު މުއިއްޒު، އިސްމާއީލް ސިމަން އަދި އަހްމަދު އަލީއެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ޒުހޫރު ވަނީ ސްޕޯޓްސް މިނިސްޓަރުކަން ގާތްގަނޑަކަށް ދެ އަހަރުގެ މުއްދަތަކަށް ކުރައްވައިފަ އެވެ. އެ މުއްދަތުގައި އެފްއޭއެމް އިސްލާހު ކުރުމަށް ގިނަ ކަންތަތަކެއް އޭނާ ކުރެއްވި އެވެ. ނޯމަލައިޒޭޝަން ކޮމިޓީގެ ދައުރު ހަމަވާނީ އަންނަ އަހަރު ޖުލައި 31 ގެ ނިޔަލަށެވެ.
އެ ކޮމިޓީގެ ޒިންމާއަކަށް ވާނީ ހިންގުން ބޮއްސުންލާފައިވާ އެސޯސިއޭޝަން ހަމަޔަކަށް އަޅުވައި އަސާސީ ގަވާއިދު އިސްލާކޮށް އާ އިންތިހާބެއް ބޭއްވުމެވެ.
