ބޭރުގެ ނޫހެއް ކަމަށްވާ އާބަން އެއާ މޮބިލިޓީން ބުނީ މި ހިދުމަތް ދިނުމަށް އެކުންފުންނާއި ހަވާލުކޮށްފައިވަނީ 20 އަހަރުގެ މުއްތަކަށް ކަމަށެވެ. އަދި " ޕްރޮޖެކްޓް އެލެވޭޓް މޯލްޑިވްސް" ގެ ނަމުން ނަން ދީފައިވާ މި އެއްބަސްވުމުގެ ދަށުން ހެލިކޮޕްޓަރާއި ޑްރޯން ޖެއްސޭ ގޮތަށް 100 ހައިބްރިޑް ވާޓި ޕޯޓްސް ގާއިމުކޮށް، ހެލިކޮޕްޓަރުގެ ޚިދުމަތަށް ހުޅުވާލާނެކަމަށްވެސް އެ ނޫހުގައިވެއެވެ.
މީގެތެރޭގައި ކާގޯ އޮޕަރޭޝަން ހިމެނޭހެން ތަފާތު ކަންކަމަށް 500 ޑްރޯން ޕޯޓު ވެސް ގާއިމުކުރަން ހަމަޖެހިފއިވާކަމަށްވެސް މި ނޫހުގައިވެއެވެ.
ރާއްޖޭގައި ހެލިކޮޕްޓަރުގެ ހިދުމަތް ދޭނެ ބަޔަކު ހޯދަން މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަން އިއުލާންކުރީ މިމަހުގެ 5 ވަނދުވަހުއެވެ. އެ މުއްދަތު ހަމަވީ މިމަހުގެ 19 ވަނަދުވަހުއެވެ.
ޓްރާންސްޕޯޓުން އޢރު ބުނީ ހެލިކޮޕްޓަރުގެ ހިދުމަތް ދޭނެ ބަޔަކު ހޯދަނީ 10 އަހަރުގެ މުއްދަތަށް ކަމަށެވެ. އަދި ހެލިކޮޕްޓަރުގެ ހިދުމަތް ދެ ގޮތަކަށް ދޭން ޖެހޭނަކަމަށް އެ މިނިސްޓްރީން ބުނެއެވެ. އެއި ބަލި މީހުން އުފުލުމަށް އެއާ އެމްބިއުލާންސާއި ވިޔަފާރި އުސޫލުން ރިސޯޓްތަކަށް
މި އެއްބަސްވުމާ ގުޅިގެން އެއާ ޝާޓޯ ކުންފުނީގެ ޗެއާމަން ޑރ. ސާމިރު މުހައްމަދު ވިދާޅުވީ، މިއީ އެ ކުންފުންޏަށް ލިބުނު ތަފާތު ފުރުސަތެއް ކަމަށެވެ.
ފަހާގަކޮށްލެވޭ ގޮތުގައި، މި މަހުގެ ފަހެއްގައި ޓްރާންސްޕޯޓް މިނިސްޓްރީން ވަނީ ރާއްޖޭގައި އެއް ތަނުން އަނެއް ތަނަށް ފަތުރުވެރިން އުފުލުން ހިމެނޭ ގޮތަށް، ހެލިކަޕްޓަރު ޚިދުމަތް ދޭން ފަށަން ފުރުސަތު ހުޅުވާލާފައެވެ.
