ރިމާނާ މޫސާއަކީ ރަހީނުކޮށް ބިރު ދައްކައި، ތޫނު ހަތިޔާރު ބޭނުންކޮށްގެން ފައިސާ ހޯދާފައިވާ މައްސަލައަކާ ގުޅިގެންވެސް ކުރިން ހައްޔަރު ކުރި މީހެކެވެ.
މިހާރު އޭނާ ހައްޔަރުކޮށްފައި ހުރީ ފޭރުމުގެ މައްސަލައެއްގައެވެ. އޭނާގެ ބަންދު މުއްދަތު މިއަދުވަނީ އަނެއްކާވެސް އިތުރު 15 ދުވަހަށް ޖަހާފައެވެ. ރަހީނުކޮށް ބިރު ދައްކައި، ތޫނު ހަތިޔާރު ބޭނުންކޮށްގެން ފައިސާ ހޯދާފައިވާ މައްސަލައަކާ ގުޅިގެން، މިދިޔަ މެއި މަހުގެ ފަހުކޮޅު ރިމާނާ މޫސާ ހައްޔަރުކޮށް ބަންދު މުއްދަތު ދެ ފަހަރެއްގެ މަތިން އިތުރުކޮށްފައިވާ ކަމަށް ކްރިމިނަލް ކޯޓުގެ ރެކޯޑުތަކުން ދައްކައެވެ.
ކުރިންވެސް ބަންދަށް ދެ ފަހަރެއްގެ މަތިން 15 ދުވަސް ޖަހާފައިވާއިރު، މިއަދުވެސް ރިމާނާ މޫސާގެ ބަންދަށް ޖެހީ 15 ދުވަހެވެ. ރިމާނާއަކީ ހުޅުމާލޭ ފޭސް ޓޫ، ހިޔާ ފްލެޓަކަށް ނިސްބަތްވާ މީހެކެވެ. ހުޅުމާލޭގައި މީހުން ރަހީނުކޮށް ފޭރުމުގެ މައްސަލަތަކެއް މި ފަހުން ފެންމަތިވެފައިވެ އެވެ.
މި އަންހެން މީހާ ފޭރިފައިވާ ފައިސާ ހޯދުމުގެ މަސައްކަތް ފުލުހުން އަންނަނީ ކުރަމުންނެވެ.
