ދޭތެރެ ދޭތެރެއިން ކަނޑުތައް މޮނިޓާ ކޮށް ދިރާސާ ކުރަމުންދާ ސައިންސްވެރިންނަށް ފެންނަނީ އެހާ އާދަޔާ ހިލާފު އަދި ހައިރާން ކުރުވަނިވި ކަމެއް ކަމުން އެކަމުގެ ސަބަބުން އިންސާނުން ވަނީ އެތަކެއް ފަހަރު މަތިން ބިރުގަނެ އެކަމެއްގެ ސަބަބުން ސިއްސުވާލާފައެވެ.
އެގޮތުން މިފަހުން ޕެސިފިކް ކަނޑުގެ އަޑިން އާދަޔާ ހިލާފު ބިރުވެރި އަޑެއް ސައިންސްވެރިން ހޯދާފައިވާއިރު ގިނަ މީހުން ދިޔައީ އެއީ އާދަޔާ ހިލާފު މޫދުގައި އުޅޭ ދިރޭ އެއްޗެއްކަމަށްވެސް އެކި ފަހުރުގެ މަތުން ތުހުމަތުކުރަމުންނެވެ.
1999 ވަނަ އަހަރު އެ އާދަޔާ ހިލާފު އަޑު ނަގާފައިވަނީ ނޭޝަނަލް އޯޝަނިކް އެންޑް އެޓްމޮސްފެރިކް އެޑްމިނިސްޓްރޭޝަން (އެންއޯއޭއޭ) އިން ޕެސިފިކް ކަނޑުގެ ފުންމިނުން ހައިޑްރޯފޯންގެ އެހީގަ އެވެ.
މި ކަނޑުގެ އާދަޔާ ހިލާފުކަން ދެނެގަނެވުނީ 1999 ވަނަ އަހަރުގެ މާޗް މަހުގެ 1 ވަނަ ދުވަހު ނޭޝަނަލް އޯޝަނިކް އެންޑް އެޓްމޮސްފެރިކް އެޑްމިނިސްޓްރޭޝަން (އެންއޯއޭއޭ) އިން އިރުމަތީ އިކުއެޓޯރިއަލް ޕެސިފިކްގެ ކަނޑުގެ އަޑިން ގައިން ހީބިހި ނާގާނެ ފަދަ ބިރުވެރި އަޑެއް ރެކޯޑްވުމުންނެވެ. މި ރެކޯޑިން ހެދީ އެތައް ސަތޭކަ ކިލޯމީޓަރެއްގެ ފުންމިނުން ހައިޑްރޯފޯންތަކުގެ ރޭންޖެއް ބޭނުންކޮށްގެންނެވެ. ހައިޑްރޮޕޯންއަކީ ކަނޑުގެ އެންމެ އަޑިން އަޑުތައް ދެނެގަނެވޭ މައިކްރޯފޯންއެކެވެ.
އެއަޑު ރިކޯޑްކުރި ސައިންސްވެރިން އެއަޑު ސިފަކޮށްދިނީ އަންހެނެއް ހޭ ނުވަތަ މަޑުމަޑުން ރޮމުންދާ ފަދަ ބިރުވެރި އަޑެއްގެގޮތުގައެވެ.
އެތަކެއް ފަހަރު މަތިން އެ އަޑި އިވެން ފެށުމުން ސަރަހައްދުގެ މީހުން އެ ގޮތްނޭގެ އަޑުގެ ވެރިޔާއަށް ނަން ދިނީ "ޖޫލިއާ" ގެ ނަމުންނެވެ.
މި އަޑު ހޯދުމުގެ ފަހަތުގައި ތިބި ރިސާޗް ޓީމުން ވަނީ އެ އަޑު ފެށޭ ތަން ދެނެގަނެވިފައި ނުވާކަމަށް ކަމަށް އެއްބަސްވެފަ އެވެ. އަދި އެއީ އިރުމަތީ އެންޓާޓިކާގެ ބްރެންފީލްޑް ސްޓްރޭޓް އާއި ކޭޕް އަޑޭރޭ އާއި ދެމެދު ކަމަށް ވެދާނެ ކަމަށް ސައިންސްވެރިން ލަފާކުރެއެވެ.
ގޮތްނޭންގޭ އާދަޔާ ހިލާފުހޯދުންތަކުގެ ސަބަބުން، އެހިސާބުން އެކި އެކި ތިއަރީތައް އުފައްދަން ފަށައެވެ.
އެންއޯއޭއޭއިން ޖޫލިއާގެ ހަގީގަތް މިއަދާ ހަމައަށް ސާބިދުކޮށްދެވިފައި ނުވާއިރު ރިސާޗް ޓީމުން ބުނީ އެ ފަރާތަށް ބޮޑަށް ދެކެވެނީ އެ އަޑަކީ އެންޓާޓިކާއިން ނެއްޓި، ދޫވެގެން ދިޔަ އައިސް ބާގް އެއްގެ އަޑު ކަމަށެވެ. އެމީހުން މިހެން ބުނުމާއެކު އެކި ފަހަރުމަތިން "ވެދާނެ ކަމަށް" ދެކެވިފައިވާ ހުރިހާ ވާހަކަތަކަށް ނިމުމެއް ގެނެވުނެވެ.
"ޖޫލިއާ" ގެ ހާދިސާއަކީ މި ދުނިޔޭގެ ކަނޑުތަކުގެ އަޑިން އެންމެންގެ ޝައުގުވެރިކަން އަތުލައިގަނެވުނު ފުރަތަމަ ހާއްސަ އަޑެއް ނޫނެވެ. މީގެ ކުރިން 1997 ވަނަ އަހަރު ޗިލީގެ އައްސޭރިފަށުގެ ހިސާބަކުން ފުން "ބްލޫޕް" އަޑެއް، އަނެއްކާވެސް ޕެސިފިކް ކަނޑުން ހޯދިފައިވާއިރު އަހަރުތަކެއް ވަންދެން އެއީ ފެންގަނޑުގެ އަޑިން މިހާތަނަށް ރެކޯޑްކުރެވުނު އެންމެ ބާރު އަދި ގޮތްނޭންގޭ އަޑުކަމަށް ސައިންސްވެރިންގެ ދިރާސާއިން ހާމަކުރެ އެވެ. އެގޮތުން އެ އާދަޔާ ހިލާފު އަޑު ބިރުވެރި ކަނޑު ފުރޭތައެއް ފަދައިންވެސް ގިނަ ބަޔަކު ސިފަކޮށްފައިވެ އެވެ. މީހާތަނަށް އޭގެ އަސްލު ނޭންގޭނަމަވެސް އެންއޯއޭއޭއިން އެފަހަރުވެސް ވަނީ އެއީ އައިސް ބާގް ދައުރުވަމުންދާއިރު އޭގައި ރެނދުލާ އަޑުކަމަށް ބުނެފަ އެވެ.
