ރައީސް ޑރ. މުހައްމަދު މުއިއްޒު މި ގާނޫނު މިއަދު ތަސްދީގު ކުރެއްވިއިރު މި ޤާނޫނު ގެޒެޓްގައި ވަނީ އާންމުކޮށްފައެވެ.
މި ޤާނޫނު މަޖިލީހުން ފާސްކޮށްފައިވަނީ އޮގަސްޓް 22 ވަނަ ދުވަހުއެވެ. މަޖިލީހުން މި ބިލް ފާސް ކުރަން ފެންނަކަމަށް 77 މެންބަރުން ވޯޓު ދެއްވިއިރު ނުފެންނަ ކަމަށް އެއްވެސް މެންބަރެއް ވޯޓު ދެއްވާފައެއް ނުވެއެވެ.
ފޮރިން އިންވެސްޓްމަންޓުގެ ބިލު ސަރުކާރުން ހުށަހެޅުއްވުމުގެ ބޭނުމަކީ ރާއްޖޭގައި ބޭރުގެ ފަރާތްތަކަށް އިންވެސްޓްކުރެވޭނެ ދާއިރާތައް ކަނޑައެޅުމާ ގުޅޭ އުސޫލުތަކާއ،ި އެފަދަ ފަރާތްތަކަށް ދިވެހިރާއްޖޭގައި އިންވެސްޓްކުރުމުގެ ހުއްދަ ދޫކުރުމާގުޅޭ އުސޫލުތަކާއ،ި އެފަދަ އިންވެސްޓަރުންނަށް ލިބިދެވޭނެ ހިމާޔަތާއި ރައްކާތެރިކަމާގުޅޭ އުސޫލުތަކާއ،ި އެފަދަ އިންވެސްޓްމަންޓްތައް ދައުލަތަށް ނެގޭނެ ހާއްސަ ހާލަތްތަކާއި އެފަދައިން ނެގޭ އިންވެސްޓްމަންޓްތަކަށް ބަދަލުދެވޭނެ އުސޫލުތައް ބަޔާންކުރުމަށާއ،ި އެނޫންވެސް ކަމާގުޅޭ އުސޫލުތައް ބަޔާންކުރުމެވެ.
މިއީ 45 އަހަރުވެފައި އޮތް ފޮރިން އިންވެސްޓްމެންޓް ގާނޫނު އާކޮށްގެން، އިންވެސްޓަރުންނަށް މިހާރަށް ވުރެ ފަހި ފުރުސަތުތަކެއް ގާނޫނީ ގޮތުން ލިބޭނެ ގޮތަށް އެކުލަވައިލާފައިވާ ގާނޫނެކެވެ.
