ފޮރިން މިނިސްޓަރު މޫސާ ޒަމީރު ގެންދަވަނީ ޔޫއޭއީއަށް ރަސްމީ ދަތުރެއް ކުރައްވަމުންނެވެ. މި ދަތުރުގެ ތެރެއިން ޒަމީރު ވަނީ އިއްޔެ ވަނީ ޔޫއޭއީގެ ބޮޑުވަޒީރުގެ ނައިބު އަދި ފޮރިން މިނިސްޓަރު ޝެއިހް ޢަބްދުالله ބިން ޒައިދު އަލް ނަޙްޔާންއާ ބައްދަލުކުރައްވައިފިއެވެ.
މި ބައްދަލުވުމުގެ ތެރރެއިން ޒަމީރު ވަނީ އެ ގައުމުގ ނަހްޔާންއަށް ރައީސް ޑރ. މުއިއްޒު ފޮނުއްވާފައިވާ ސިޓީފުޅު ހަވާލުކޮށްދެއްވާފައެވެ.
މީގެއިތިތުރުން ރާއްޖެއާއި ޔޫއޭއީއާ ދެމެދު އޮންނަ ޒަމާންވީ ގުޅުން އިތުރަށް ބަދަހިކުރުމާއި ބައިނަލްއަގުވާމީ މަސްރަހުގައި ދެ ގައުމުން ގުޅިގެން ކުރާ މަސައްކަތްތައް އިތުރުކުމާ ގުޅޭ ގޮތުން ދެ ގައުމުން މަޝްވަރާކޮށްފައިވާކަމަށް ފޮރިން މިނިސްޓްރީން ބުނެއެވެ.
މި ބައްދަލުކުރެއްވުމުގައި ޒަމީރުގެ އަރިހުގައި، ރާއްޖެއިން ޔޫއޭއީއަށް ކަނޑައަޅާފައި ހުންނަވާ ސަފީރު މުޙައްމަދު ހުސައިން ޝަރީފާއި އެމްބެސެޑާއެޓްލާޖް އަްމަދު ނަސީރާއި ސެކްރެޓަރީ ބައިލެޓަރަލް ޑރ. ހާލާ ހަމީދާއި ޖޮއިންޓް ސެކްރެޓަރީ މަރްޔަމް ރީޝާގެ އިތުރުން އެ ގައުމުގައި ހުންނަ ރާއްޖޭގެ އެމްބަސީގެ ޑެޕިއުޓީ އެމްބެސެޑަ ހައްސާން ވަހީދު ބައިވެރިވިއެވެ.
މިއަދުގެ ނިޔަލަށް ޒަމީރު ކުރައްވާ މި ދަތުރުގައި ރާއްޖެއާއި ޔޫއޭއީއާ ދެމެދު އޮންނަ ގާތް، ރަޙްމަތްތެރިކަމުގެ ގުޅުން އިތުރަށް ހަރުދަނާކޮށް، ބަދަހިކުރުމަށް އެޅޭ މުހިންމު ފިޔަވަޅެއްކަމަށް ފޮރިން މިނިސްޓްރީން ބުނެއެވެ.
