މި އެއްބަސްވުމުގައި ސޮއިކުރީ މެލޭޝިޔާގެ އެޑިޔުކޭޝަން މިނިސްޓްރީގެ ދަށުން ހިންގާ އެޑިޔުކޭޝަން މެލޭޝިޔާ ގްލޯބަލް ސާވިސެސް (އީއެމްޖީއެސް)އާ އެކުގަ އެވެ.
ހަޔާ އެޑިއުކޭޝަންގެ ފަރާތުން މި އެއްބަސްވުމުގައި ސޮއިކުރެއްވީ ވަޒީރު ޑރ. މަރްޔަމް މާރިޔާ އެވެ. އަދި މެލޭޝިޔާގެ އީއެމްޖީއެސްގެ ފަރާތުން މި އެއްބަސްވުމުގައި ސޮއިކުރެއްވީ އެ އިދާރާގެ ސީއީއޯ ނޯވީ ތާޖުއްދީންއެވެ.
ހަޔާ އެޑިއުކޭޝަނުން ވިދާޅުވީ އެ އެއްބަސްވުމުގެ މަގްސަދަކީ ރާއްޖެއާއި މެލޭޝިޔާގެ މަތީ ތައުލީމާއި ތަމްރީނުގެ ފެންވަރު މަތިކޮށް، ދެ ގައުމުގެ އެކި ކަންކޮޅުތަކަށް ފުޅާދާއިރާއެއްގައި މަތީ ތައުލީމު ފޯރުކޮށްދިނުން ކަމަށެވެ.
އެގޮތުން، އެ އެއްބަސްވުމުގައި ބަޔާންކޮށްފައިވާ މަތީ ތައުލީމު ފޯރުކޮށްދޭ މަރުކަޒުތަކުގައި ކިޔެވުމަށް އެދި ހުށަހަޅާ ދަރިވަރުންނަށް މާލީ އެހީ (ޑިސްކައުންޓް) ފޯރުކޮށްދިނުމަށް އެ އެއްބަސްވުމުގައި ކަނޑައަޅާފައިވާ ކަމަށް ވިދާޅުވެފައިވެ އެވެ.
އެ އެއްބަސްވުމުގެ ދަށުން 561 ދިވެހި ދަރިވަރުންނަށް މަތީ ތައުލީމު ހާސިލުކުރުމުގެ ފުރުސަތު ހުޅުވައިލާފައިވެ އެވެ. އާރޓްސް އެންޑް ހިއުމަނިޓީސް، އިންޖީނިއަރިންގ އެންޑް ޓެކްނޮލޮޖީ، ލައިފް ސައިންސެސް އެން މެޑިސިން، ނެޗުރަލް ސައިންސެސް، ސޯޝަލް ސައިންސެސް، މެނޭޖްމަންޓް ފަދަ އެތައް ދާއިރާއަކުން މަތީ ތައުލީމުގެ ފުރުސަތު ހުޅުވާލާފައިވެ އެވެ.
މެލޭޝިޔާާއަކީ މިހާރު ދިވެހި ދަރިވަރުން މަތީ ތައުލީމު ހާސިލުކުރުމަށް ދާ ގައުމުތަކުގެ ތެރެއިން އެންމެ ގިނަ ދަރިވަރުން އެއްފަހަރާ އެ ގައުމެއްގައި ކިޔަވަމުންދާ ގައުމެވެ.
