ބޮއްސުންލާފައިވާ ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް)ގެ ކަންކަން ހަމައަކަށް އަޅުވައި، އާ އިންތިހާބެއް ބާއްވަން ފީފާ އިންވަނީ ކުރީގެ ރައީސް ބައްސާމް އަދީލް ޖަލީލް ސަސްޕެންޑްކޮށް، ނޯމަލައިޒޭޝަން ކޮމިޓީއެއް އެކުލަވާލައިފައެވެ.
ނޯމަލައިޒޭޝަން ކޮމިޓީއާ ގުޅޭ ގޮތުން ވަޒީރު ރާފިއު ވިދާޅުވި ގޮތުގައި، މިނިސްޓްރީން ގެންދަނީ ނޯމަލައިޒޭޝަން ކޮމިޓީއާ އެކު މަޝްވަރާކޮށް، ކޮމިޓީގެ މަސައްކަތްތަކަށް ފުރިހަމަ އެއްބާރުލުން ދެމުންނެވެ. މިނިސްޓަރު ވިދާޅުވި ގޮތުގައި ތިން މަސް ދުވަހަށް ކޮމިޓީގެ އޮފީސް ހިންގުމުގެ ކަންކަން ގަލޮޅު ދަނޑުގައި ކުރިއަށްގެންދިޔުމުގެ ފުރުސަތަކަށް ވަނީ ކޮމިޓީން އެދިފައެވެ. އަދި އެ އެދުމާ އެއްގޮތަށް ތިން މަސް ދުވަހަށް ކޮމިޓީގެ ބޭފުޅުން މަސައްކަތް ކުރާނެ ތަނެއް މިހާރު ވަނީ ހަމަޖައްސައިދީފައިވާނެ ކަމަށް ވަޒީރު ވިދާޅުވިއެވެ.
ފީފާއިން ނެގި ފަސް މެމްބަރުންގެ ނޯމަލައިޒޭޝަން ކޮމިޓީގައި ޒުހޫރުގެ އިތުރުން ހިމެނެނީ ގާނޫނީ ވަކީލް އަހުމަދު މުއިއްޒު، ފަރީހާ ޝަރީފް، އިސްމާއިލް ސައިމަން އަދި އަހުމަދު އަލީ އެވެ. މި ކޮމިޓީގެ މުއްދަތު އަންނަ އަހަރުގެ ޖުލައިގެ ނިޔަލަށް ހަމަވާނެއެވ.
