ރ. މަޑުއްވަރީ އައިސްޕްާންޓް މިފްކޯގެ ދަށަށް ބަދަލުކުރުމަށް މިއަދު މަޑުއްވަރީގައި ބޭއްވުރު ރަސްމިއްޔާތުގެ ތެރެއިން - ފޮޓޯ: މިފްކޯ
މަޑުއްވަރީ ކައުންސިލުން ހިންގި އެރަށުގެ އައިސް ޕްލާންޓު މިފްކޯގެ ދަށަށް
އަލީ މިދުހަތު
12 ސެޕްޓެމްބަރ 2024 - 19:55:54
ރ. މަޑުއްވަރީ ކައުންސިލުން ހިންގަމުން އައި އެރަށުގެ އައިސް ޕްލާންޓު މިފްކޯގެ ދަށަށް ބަދަލުކޮށްފި އެވެ.
Advertisement
މި ކަމަށް ހާއްސަކޮށްގެން މަޑުއްވަރީ ކައުންސިލް އިދާރާގައި މިއަދު ބޭއްވި އެއްބަސްވުމުގައި މިފްކޯގެ ފަރާތުން އެއްބަސްވުމުގައި ސޮއިކުރެއްވީ، ވަގުތީ ގޮތުން ކުންފުނި ހިންގުމާ ހަވާލުވެ ހުންނެވި އެ ކުންފުނީގެ ސީއެފްއޯ އިލްޔާސް ހަނީފެވެ. އަދި ކައުންސިލްގެ ފަރާތުން ސޮއިކުރެއްވީ މަޑުއްވަރީ ކައުންސިލްގެ ރައީސް މުހައްމަދު ސޯދިގެވެ.
"މި ފެށި ހިދުމަތާއެކު 750 ރުފިޔާގެ ރޭޓުން މަސްވެރީންނަށް އައިސް ޓަނެއް ފޯރުކޮށްދެވޭނެ. މިއީ 25 މެޓްރިކް ޓަނުގެ ފްލޭކްސް އައިސް ޕްލާންޓެއް. އަދި 50 ޓަނުގެ އައިސްގެ ސްޓޮކެއް މެއިންޓެއިން ކުރެވޭނެ. މަސްވެރީންނަށް ލުއިފަސޭހަ ގޮތްތައް ކުރިއަށް އޮތް ތަނުގައި ވެސް ހޯދުމުގައި މިފްކޯ ދެމި އޮންނާނެ." މި އެއްބަސްވުމުގައި ސޮއިކުރެއްވުމަށްފަހު މިފްކޯގެ ޕްރޮޖެކްޓްސް އެންޑް ޓެކްނިކަލް ޑިޕާޓުމަންޓުގެ ޖެނެރަލް މެނޭޖަރު މުއާޒު އަލީ ވިދާޅުވި އެވެ.
މި އެއްބަސްވުމުގައި ސޮއިކުރެއްވުމަށްފަހު މަޑުއްވަރީ ކައުންސިލްގެ ރައީސް ސޯދިހު ވިދާޅުވީ ދެން އެރަށުގެ އައިސް ޕްލާންޓު ބަލަހައްޓާނީ މިފްކޯއިން ކަމަށާއި، އެ މަސައްކަތް ކުރާނެ މުވައްޒަފުންވެސް މިހާރު އެކުންފުނިން ހަމަޖައްސާފައިވާ ކަމުގަ އެވެ.
މަޑުއްވަރީ އައިސް ޕްލާންޓަކީ 2021ވަނަ އަހަރުގެ މަސްވެރީންގެ ދުވަހާ ދިމާކޮށް ހުޅުވައި ޚިދުމަތް ދޭން ދެށިތަނެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
