ދައުލަތުގެ މީޑިއާ މެދުވެރިކުރައްވައި ރައްޔިތުންނާއި ވާހަކަ ދައްކަވަމުން މިނިސްޓަރު ވިދާޅުވީ، މި ދާރުލްއާސާރުތައް ތަރައްގީކުރުމަށް ނިންމާފައިވަނީ އާމްދަނީ ލިބޭނެ ގޮތަކަށްކަމަށެވެ.
މި މަސްރޫއުތައް ކުރިއަށް ގެންދިޔުމަށްޓަކައި އަންނަ އަހަރުގެ ބަޖެޓުގައި ހިމަނައި، އެކަމަށް މަސައްކަތް ކުރައްވާނެކަމަށް ވަޒީރު ވިދާޅުވިއެވެ. އަދި ރާއްޖޭގައި އޮތް ހަލޯރާތް ދެމެހެއްޓުމަށްޓަކައި މިފަދަ ދާރުލްއާސާރުތައް ތަރައްގީކުރުމަކީ މުހިއްމުކަމެއްކަމަށް ވެސް ވަޒީރު ފާހަގަކުރެއްވިއެވެ.
މިހާރު ވެސް ރާއްޖޭގެ އެކި ސަރަޙައްދުތަކުން ފެނިފައި ހުރި ތަރިކަ ނުވަތަ އާސާރުތައް މާލޭގެ ދާރުލްއާސާރުގައި ބަހައްޓާފައި ހުރިކަމާއި، އަތޮޅުތަކުގައި ވެސް ރައްޔިތުން މިފަދަ އާސާރުތައް ތަރައްގީކޮށް އެއިން މަންފާ ހޯދަމުންދާކަން ވަޒީރު ފާހަގަކުރެއްވިއެވެ. ހާއްސަގޮތެއްގައި ދިވެހިންގެ ސަގާފަތާއި ތަރިކަ ފަތުރުވެރިންނަށް ދައްކުވައިދީ އެކަމުން މަންފާ ހޯދަމުންދާކަންވެސް ވަޒީރު ފާހަގަކުރެއްވިއެވެ.
