އަލިފުށީ އާރްޑީސީން 22 މުވައްޒަފަކު ވަޒީފާއިން ވަކިކޮށްފައިވާ ކަމަށް އެ ރަށު ކައުންސިލް ރައީސް އާދަމް އިމްރާން ވެސް ވަނީ"ސީއެންއެމް" އަށް ކަށަވަރުކޮށްދެއްވާފައެވެ.
މި މައްސަލައާއި ގުޅިގެން އާދަމް އިމްރާން ވިދާޅުވީ ވަޒީފާއިން ގިނަ އަދަދެއްގެ މުވައްޒަފުން ވަކިކުރިކަމުގެ މައުލޫމާތު ލިބިފައިވާ ކަމަށާއި، އެ މައުލޫމާތު ކައުންސިލަށް ލިބިފައިވަނީ ވަޒީފާއިން ވަކިކުރިކަމަށް އެ ބުނާ މުވައްޒަފުންގެ ފަރާތުންކަމަށެވެ.
އަދި އެކަން މިހާރު ކައުންސިލުން ބަލަމުން އަންނަ ކަމަށާއި ނަމަވެސް އެކަން ބަލަމުން އަންނަނީ މައްސަލެއްގެ ގޮތުގައި ނޫންކަމަށް ކައުންސިލް ރައީސް އިމްރާން ވިދާޅުވިއެވެ.
އިމްރާން އިތުރަށް ވިދާޅުވީ އެކަން ބަލަމުން ދަނީ ގިނަ އަދަދެއްގެ މުވައްޒަފުންތަކެއް ވަޒިފާއިން ވަކިކުރިކަމުގެ ހަބަރު ލިބުމުން، ރަށުގައި އާރްޑީސީން މިހާރު ކުރިޔަށް ގެންދާ ބައެއް ޕްރޮޖެކްޓް ތަކުގެ މައްސައްކަތްތަކަށް ބުރޫއަރާފައިވޭތޯ ބެލުމަށެވެ.
މިކަން އިތުރަށް ސާފުކޮށްލުމަށް އަލިފުށީ އާރްޑީސީ ވަޒީފާއިން ވަކިކުރިކަމަށް ބުނާ މުވައްޒަފަކަށް ވެސް "ސީއެންއެމް"ގެ ފަރާތުން ވަނީ ގުޅާ މައުލޫމާތު ސާފުކޮށްފައެވެ. ސީއެންއެމް އާއި ވާހަކަ ދެއްކި އެމީހާ ބުނީ އާރްޑީސީގެ ވަޒީފާއިން މުވައްޒިފުންތަކެއް ކަނޑާލިކަމަށް ބުނާ ވާހަކަ އަކީ ތެދެއްކަމަށެވެ. އަދި އެއްވެސް އެންގުމަކާއި ނުލައި ވަޒީފައިން ވަކިކުރިކަމުގެ ޗިޓް ވެސް ހަވާލުކޮށްފައިވާ ކަމަށް އޭނާ ބުންޏެވެ. ނަމަވެސް ވަޒީފާއިން ވަކިކުރި ވަކި ސަބަބެއް އެނގިފައި ނުވާކަމަށް ވެސް އޭނާ ބުންޏެވެ.
އެ މުވައްޒަފުންގެ ތެރެއިން އެހެން ސައިޓުތަކުގައި މަސައްކަތް ކުރަން ބޭނުންވާ މީހުންނަށް އެ ފުރުސަތުވެސް ދެވިފައިވާނޭ ކަމަށާއި ނަމަ ވެސް ދޫކޮށްލީ އެގޮތަށް ވެސް އެހެން ސައިޓުތަކަށް ދާން ބޭނުން ނުވި 22 މުވައްޒިފުންކަމަށެވެ.
ފައިރޫޒް އިތުރަށް ވިދަޅުވީ، އެ 22 މުވައްޒަފުންނަށް ވަޒީފާއިން ވަކިނުކޮށް އެހެން ސައިޓުތަކަށް މަސައްކަތް ކުރަން ދިއުމުގެ ފުރުސަތު ދީފައިވާނޭކަމަށެވެ. ނަމަވެސް އެހެން ސައިޓުތަކުގައި މަސައްކަތް ކުރަން އެމީހުން އިންކާރުކުރުމުން ދޫކޮށްލީ ކަމަށް ފައިރޫޒް ވިދާޅުވިއެވެ.
