2026 ވަނަ އަހަރުގެ ގޭމްސް ސްކޮޓްލަންޑްގައި ބާއްވަން އެ ގައުމުން އއްބަސްވީ، ސްކޮޓްލަންޑްގެ ސަރުކާރުގެވެސް ތާއީދާއެކުއެވެ. ކުޅިވަރުތަކާއި އެތުލީޓުން މަދުކޮށް ކުޅޭ މި އިވެންޓް ސްކޮޓްލަންޑްގައި މި ބާއްވަނީ އެ ގައުމުގައި އެންމެ ފަހުން ގޭމްސް ބޭއްވިތާ 12 އަހަރު ފަހުންނެވެ.
ސްކޮޓްލަންޑަށް މުބާރާތް ހޯސްޓް ކުރަން މި ޖެހުނީ މި ގޭމްސް ބާއްވަން އެންމެ ކުރިން ނިންމި އޮސްޓްރޭލިއާގެ ސްޓޭޓް ވިކްޓޯރިއާއިން، ހަރަދު ބޮޑުވެގެން މުބާރާތް ބޭއްވެން ނެތްކަމަށް އެންގުމުންނެވެ. އޭގެ ފަހުން މެލޭޝިޔާގައި ގޭމްސް ބާއްވަންވެސް ހުށަހެޅިއެވެ. އެހެންނަމަވެސް މެލޭޝީޔާއިންވެސް ގޭމްސް ބާއްވަން އެއްބަހެއް ނުވިއެވެ.
ވިކްޓޯރިއާ ސްޓޭޓުން ފުރުސަތު ދޫކޮށްލުމުން މެލޭޝިޔާއަށް ސަޕޯޓިން ފަންޑުގެ ގޮތުގައި 100 މިލިއަން ޕައުންޑާއެކު ގޭމްސް ބާއްވަން ހުށަހެޅި ނަމަވެސް މެލޭޝީޔާއިން އެކަމަށް ދެކޮޅު ހެދީ އެކަށީގެންވާ ވަގުތު ނެތި، ގޭމްސް ހޯސްޓް ކުރަން އެއްބަސް ވެއްޖެ ނަމަ ގައުމަށް ކުރިމަތިވެދާނެ އިގްތިސާދީ ހީނަރުކަމާ ގުޅިގެންނެވެ.
