ތޮއްޖެހިގެން ކުދި ކުދި ތަންކޮޅުގައި އުޅޭ ބިދޭސީން ހޯދުމަށް އިމިގްރޭޝަނުން ވަނީ ހާއްސަ އޮޕަރޭޝަން ފަށާފައެވެ.
އިމިގްރޭޝަނުން ބުނީ އާންމު ސަލާމަތާއި ރައްކާތެރިކަމަށް ނުރައްކާވާފަދަ ގޮތަކަށް، ތޮއްޖެހިގެން ބިދޭސީން ދިރިއުޅެމުން އަންނަ އެކޮމޮޑޭޝަން ބްލޮކްތައް ބަލައި ފާސްކުރުމަށް ޓާސްކު ފޯސް އިން ހިންގަމުންދާ އޮޕަރޭޝަންގައި މިދިޔަ އާދިއްތަ ދުވަހު މާލެއިން 04 ތަނެއް ބަލައި ފާސްކޮށްފައިވާކަމަށެވެ.
އެ އިދާރާއިން ބުނީ އޭގެތެރޭގައި، 02 ގެއަކާއި 02 ހޮޓާ ހިމެނޭކަމަށެވެ. އެތަން ތަން ބަލާ ފާސްކޮށް، ގަވާއިދާ ހިލާފަށް އުޅެމުންދިޔަ ހަތް ބިދޭސީއަކު އިމިގްރޭޝަން ބެލުމުގެ ދަށަށް ގެނެސްފައިވާކަމަށެވެ.
ކުދިކުދި ތަންތަނުގައި ތޮއްޖެހިގެން އުޅޭ ބިދޭސީން ހޯދާ ފިޔަވަޚު އަޚަން ފަށާފައި މިވަނީ 50 ވުރެ ގިނަ ބިދޭސީން އުޅެމުން ދިޔަ އިމާރާތެއްގައި ނުރައްކާތެރި އަލިފާނުގެ ހާދިސާއެއް ހިނގާ އެތަން އަނދާ ހުލިވި ފަހުންނެވެ. މި އަލިފާނުގެ ހާދިސާއާ ގުޅިގެން 20 ދިވެއްސަކުވެސް މަގުމަތިވިއެވެ.
