މާލެ ހޮސްޕިޓަލްސް ގްރޫޕްގައި ހިމެނެނީ ދަރުމަވަންތަ ހޮސްޕިޓަލް، އިންދިރާ ގާންދީ މެމޯރިއަލް ހޮސްޕިޓަލް، ހުޅުމާލެ ހޮސްޕިޓަލް އަދި ވިލިމާލެ ހޮސްޕިޓަލްއެވެ. މި ހޮސްޕިޓަލްތަކުގެ ކަންތައްތައް ބެލެހެއްޓެވުމަށް "މާލެ ސިޓީ ގްރޫޕް އޮފް ހޮސްޕިޓަލްސްގެ ގަވަރނިން ބޯޑް" ގެ ނަމުގައި ބޯޑެއްވަނީ އުފައްދާފައެވެ.
އައިޖީއެމްއެޗުން ބުނީ މާލޭ ސިޓީ ގްރޫޕް އޮފް ހޮސްޕިޓަލަށް ދިމާވެފައިވާ ގޮންޖެހުންތަކުގެ މައުލޫމާތު ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ އާ ހިއްސާކޮށްފައިވާކަމަށެވެ. މި ކަމަށް ބޭއްވި ބައްދަލުވުމުގައި މަޖިލީހުގެ ބައެއް މެމްބަރުން ބައިވެރިވިކަމަށްް އައިޖީއެމްއެޗުން ބުނެއެވެ.
ހޮސްޕިޓާތަކަށް ހުރި ގޮންޖެހުން މަޖިލީހުގެ ރައީސް އަބްދުއްރަހީމް އަބްދުﷲ ހިއްސާކުރުމަށް ބޭއްވި ބައްދަލުވުމުގެ ތެރެއިން
މި ބައްދަލުކުރުމުގައި މައިގަނޑު ގޮތެއްގައި މަޝްވަރާކުރީ މުހިންމު މަޝްރޫއުތައް ކުރިއަށްދާ ގޮތާއި، އޮޕަރޭޝަނަލް ދަތިތައް ހައްލުކުރުމާއި، ސިއްހި ހިދްމަތްތައް އިތުރަށް ހަރުދަނާކުރުމަށް ކުރިއަށް އޮތްތަނުގައި ރާއްވަވާފައިވާ ޕްލޭންތަކާ ބެހޭގޮތުންކަމަށްވެސް އައިޖީއެމްއެޗުން ބުނެއެވެ.
ހޮސްޕިޓާތަކަށް ހުރި ގޮންޖެހުން މަޖިލީހުގެ ރައީސް އަބްދުއްރަހީމް އަބްދުﷲ ހިއްސާކުރުމަށް ބޭއްވި ބައްދަލުވުމުގެ ތެރެއިން
މާލޭ ސިޓީ ގްރޫޕް އޮފް ހޮސްޕިޓަލްތަކުގެ ވެރިންނާއި މަޖްލިސް މެންބަރުން ގުޅިގެން ކުރިއަށް ގެންދާ މި މަސައްކަތުގެ މަޤްސަަދަކީ، ހޮސްޕިޓަލުތަކުގެ ކުރިއެރުމާއި ކުރިއެރުމާއި، މުޖުތަމަޢަށް މިހާރަށްވުރެ ރަނގަޅު ހިދުމަތެއް ފޯރުކޮށްދިނުންކަމަށް އައިޖީއެމްއެޗުން ބުނެއެވެ.
