ލޯކަލް ގަވަމެންޓު މިނިސްޓަރު އާދަމް ޝަރީފް: ފައިލް ފޮޓޯ
ބަންކަރިން ހިދުމަތުން ރާއްޖޭގެ ވިޔަފާރި ދުނިޔެއާ ގުޅާލަދޭނެ: އާދަމް ޝަރީފް
ގުފްތަގް އަޖީރު
20 ސެޕްޓެމްބަރ 2024 - 20:57:38
އިހަވަންދިއްޕޮޅުގައި ބުރާސްފަތި ދުވަހު ފެށުނު ބަންކަރިން ހިދުމަތުން ރާއްޖޭގެ އިގްތިސާދަށް އިންގިލާބީ ބަދަލެއް އަންނާނެ ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާބެހޭ މިނިސްޓަރު އާދަމް ޝަރީފް އުމަރު ވިދާޅުވެއްޖެއެވެ.
Advertisement
މިނިސްޓަރު އާދަމް ޝަރީފް މިއަދު ވިދާޅުވީ ބަންކަރިން ހިދުމަތް ފެށުމުން ރާއްޖޭގެ އިގްތިސާދު ފުޅާވެ، ގައުމީ ތަރައްގީގެ ގިނަ ކަންކަމުގެ ބިންގާ އެޅިގެންދާނެ ކަމަށެވެ. އަދި މި ހިދުމަތުގެ ސަބަބުން ބަވަނަވެފައިވާ ދުނިޔޭގައި ވިޔަފާރީގެ ގުޅުންތަކާއި އުކުޅުތަކާއި ހުނަރުތައް ރާއްޖެއަށް ދަސްވާނެ ކަމަށްވެސް އޭނާ ވިދާޅުވިއެވެ.
"މިއީ އިންގިލާބީ ބަދަލެއް ރާއްޖެއަށް ގެނުވާނެ ކަމެއް، މަރުޙަބާ ރައީސުލްޖުމްހޫރިއްޔާ،" ބަންކަރިން ޚިދުމަތް ފެށުމާ ގުޅިގެން އެކްސްގައިއާދަމް ޝަރީފް ކުރެއްވި ޕޯސްޓެއްގައި ވިދާޅުވިއެވެ.
ރާއްޖޭގެ އުތުރުގައި ބަންކަރިންގެ ހިދުމަތް ދޭނީ ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އާއި މޯލްޑިވްސް ޕޯޓްސް ލިމިޓެޑް (އެމްޕީއެލް) ގުޅިގެންނެވެ. މި ހިދުމަތަށް އެސްޓީއޯއިން މިހާރު ވަނީ ދެ ބޯޓު ގެނެސްފައެވެ. އެސްޓީއޯއިން ބޯޓުތަކަށް ތެލުގެ ހިދުމަތްދޭއިރު، އެމްޕީއެލުން ހިދުމަތްދޭނީ ސީދާ ބޯޓުތަކަށް ބޭނުންވާ އެހެނިހެން ކަންކަމުގައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
