މި މަޝްރުއުގެ ދަށުން ހިމެނޭ މުހިއްމު ކަންކަމުގެ ތެރޭގައި 2 މިލިއަންއާ ހަަމައަށް ފައިނޭންސް ހަަމަޖެހިގެން ދާނެކަމަށާއި އާރްއެސްޑަބްލިއު ސިސްޓަމާއެކު ޖަނަރޭޓަރާއި ސޯލާ ޕީވީ ގަނެވޭނެގޮތަށް ހަަޖެހިފައިއޮންނާނެކަމަށް ފިޝަރީޒް މިނިސްޓްރީން ބުނެއެވެ. އަދި ލޯނު އަނބުރާ ދެއްކުމަށް 6 މަސްދުވަހުގެ ގްރޭސް ޕީރިއަޑްއެއް ލިބޭއިރު 10 އހަރު ދުވަހަށް ބަހާލައިގެން ލޯނު ދެއްކޭގޮތަށް ހަަމަޖެހިފައިވާކަމަށް މިނިސްޓްރީން ބުނެއެވެ.
އޭގެއިތުރުން ގަންނަ ތަކެތީގެ އަގު 35 އިންސައްތަ ދައްކަން ނުޖެހި ޑިސްކައުންޓް ލިބިގެންދާކަަމަށް ފިޝަރީޒް މިނިސްޓްރީން ބުނެއެވެ. އަދި އަމިއްލައަށް ނުވަަތަ އެސްޑީއެފްސީގައި ރަޖިސްޓްރީކޮށްފައިވާ ވެންޑަރެއް މެދުވެރިކޮށް އެ ފެސިލިޓީ ބޭނުން ކުރެވޭނެކަމަށްވެސް ފިޝަރީޒް މިނިސްޓްރީން ބުނެއެވެ.
މި ލޯނު މަޝަރޫއު އަލުން ހުޅުވާލެވެނީ މަސްވެރިންގެ ބޭނުންތަކަށް ވަރަށް ބޮޑަށް ރިއާޔަތްކޮށް ލޯނުގެ ބޭނުން ކުރެވޭނެ ގިނަ ކަަންކަން ހިމަނައިގެންނާއި އަދި ލޯނު ދެއްކުމަށް ލުއިފަސޭހަތަކެއް ދިނުމަށް މަސްވެރިންނަށް ދަތިވެފައިވާކަންކަން ހައްލުކުރުމަށް ހާއްސަ އިސްކަމެއް ދީގެންކަަމަށް ފިޝަރީޒް މިނިސްޓްރީން ފާހަގަކުރެއެވެ.
ލޮނުފެނުން މަސް ފިނިކުރާ ނިޒާމު(އާރްއެސްޑަބްލިއު ސިސްޓަމް)، ޖެނެރޭޓާ ސެޓް އަދި ސޯލާ ޕީވީ ސިސްޓަމް ގަތުމަށް މަޝްރޫއުގެ ދަށުން ލޯނު ފައިސާ ދޫކުރެވޭނެ ކަމަަށް ފިޝަރީޒް މިނިސްޓްރީން ބުނެއެވެ.
މިދިޔަ އަހަރު އިފްތިތާހުކުރެވުނު މަސްދޯނިފަހަރުގައި ލޮނުފެނުން މަސް ފިނިކުރާ ނިޒާމު ގާއިމްކުރުމުގެ މަޝްރޫއަކީ އިސްލާމިކް ޑިވެލޮޕްމަންޓް ބޭންކާއި ލައިވްސް އެންޑް ލައިވްލީ ހުޑް ފަންޑުގެ އެހީގައި ކުރިއަށް ގެންދާ މަޝްރޫއެކެވެ.
