ސަނާ ހާން ރާއްޖޭގައި
ރާއްޖެ ދާ މުސްލިމު އަންހެނުން އަބާޔާ ލުން ފެޝަނަކަށް ހެދިން: ސަނާ ހާން
އައިޝަތު ނޫރާ
22 ސެޕްޓެމްބަރ 2024 - 19:48:29
ބޮލީވުޑްގެ ކުރީގެ ތަރި ސަނާ ޚާން އްޖެއަށް ކުރި ދަތުރެއްގައި އަބާޔާ ލައިގެން އުޅުމުން މުސްލިމު އަންހެނުންގެ ރާއްޖެ ދާއިރު ފެޝަން އިސްލާމީގޮތަކަށް ބަދަލުވެގެން ދިޔަ ގޮތުގެ ވާހަކަ ކިޔައިދީފިއެވެ.
Advertisement
ރުބީނާ ދިލައިކްގެ ޕޮޑްކާސްޓެއްގައި ވާހަކަދައްކަމުން ސަނާ ބުނީ، ރާއްޖޭގައި އޭނާ އަބާޔާ ލައިގެން ހުރި ފޮޓޯތައް ފެނުމުން، ގިނަ މުސްލިމު އަންހެނުންނަށް ރާއްޖެއަށް ދަތުރުކޮށް އަބާޔާ ލައިގެން އުޅެވިދާނެކަމުގެ ހިތްވަރު ލިބުނު ކަމަށެވެ.
"ކުރިން ގިނަ މުސްލިމު އަންހެނުން ދެކޭގޮތުގައި ރާއްޖެއަށް ދާއިރު ކުރު ހެދުން ނުވަތަ ފަތާ ހެދުން ލާންޖެހޭ. އެކަމަކު އަހަރެންގެ ފޮޓޯތައް ފެނުމުން، އަބާޔާ ލައިގެންވެސް ރާއްޖޭގައި އުޅެވިދާނެކަން އެނގުނު،" ސަނާ ބުންޏެވެ.
ސަނާ އިތުރަށް ބުނީ، އޭނާގެ ފޮޓޯތައް ފެނުމަށްފަހު ގިނަ އާއިލާތަކުން ރާއްޖެއަށް ގޮސް އަބާޔާ ލައިގެން އުޅުނު ކަމަށެވެ. އަދި އަބާޔާ ލައިގެން ސްނޯކަލިންއަށް ދިއުމާއި ޓޭބަލް ޓެނިސް ކުޅުނު ވާހަކަވެސް އޭނާ ބުންޏެވެ.
ނަމަވެސް ބައެއް މީހުން އޭނާ އަބާޔާ ލައިގެން އުޅުނު ގޮތާމެދު ސުވާލު އުފެއްދި ކަމަށާއި، އެކަމަކު އެފަދަ ފާޑުކިޔުންތަކަށް ރައްދު ނުދޭން ނިންމި ކަމަށް ސަނާ ބުންޏެވެ.
ސަނާ ޚާން ވަނީ 2020 ގައި ފިލްމީ ދުނިޔެ ދޫކޮށްކޮށްލައިފައެވެ. އަދި މިދިޔަ ޖުލައި މަހު ފިރިހެން ދަރިއަކު އޭނާއަށް ވަނީ ލިބިފައެވެ.
50%
ކަމުގޮސްފި
50%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
