ފިޒާާނާ މިހެން ވިދާޅުވެފައި މިވަނީ ގަވައިދާ ހިލާފަށް އެޓެސްޓް ކުރުމާއި ވަގު ސެޓްފިކެޓް ވިއްކުމާއި ގުޅޭގޮތުން ހުރި ކަންބޮޑުވުންތައް ދައުލަތުގެ މީޑިއާ އާއި ހިއްސާ ކުރައްވާ ދެއްކެވި ވާހަކަފުޅުގަ އެވެ.
ފިޒާނާ ވިދާޅުވީ މިހާރަަކަށް އައިސް "ފޭކު އޮރިޖިނަލް" ސެޓިފިކެޓެއް ވަރަށް "އޮރިޖިނަލް ފޭކު" ކަމަށާއި ވަކީލަކަށް އެ ސެޓްފިކެޓް އެއީ އަސްލެއްތޯ ހޯދުމަށް ދަތިތަކަކާއި ކުރިމަތިލާން ޖެހޭކަމަށެވެ.
ފިޒާނާ ވަނީ އެޓެސްޓްކުރަން އެ އޮތޯރިޓީއަކަށް ހަވާލުކުރަންޖެހޭކަން ގަބޫލުކުރައްވާ ކަމަށެވެ. އެގޮތުން މިސާލަކަށް ޕަބްލިކް އެގްޒާމިނޭޝަންއަށް އޯ ލެވެ،ލް އޭލެވެލް ސެޓިފިކޭޓް ވެރިފައި ކުރެވޭނީވެސް އެ އޮތޯރިޓީއަކަށް ކަމަށާއި އެހެންނޫނީ ރާއްޖޭގެ ހުރިހާ ކުދިންނަަށް އެޓެސްޓްނުކުރެވޭނެ ކަަމަށެވެ.
އެގޮތަށް ކަން ހިނގާނަމަ ޕަބްލިކް އަށް ފެންނަގޮތަށް ނިޒާމެއް އެކުލަވާކަން ޖެހޭކަމަށް ފިޒާނާ ވިދާޅުވި އެވެ.
އެމްކިއުއޭގެ ޒިންމާ އެހެން މިނިސްޓްރީއަކަށް އަދާނުކުރެވޭނެކަމަށާއި އެކަން މިހާރު އެމްކިއުއޭއިން ވާނީ ހުއްޓުވާފައިކަމަށް ފިޒާނާ ފާހަގަކުރެއްވި އެވެ. އެކަން ހުއްޓުވާފައި އޮތްނަމަވެސް އެމްކިއުއޭގައި މިހާރު ދުވަސް ވީއިރުގައި ސެޓިފިކޭޓް ވެރިފިކޭޝަން ސިސްޓަމެއް ނެތް ކަމަށް ފިޒާނާ ވިދާޅުވި އެވެ.
މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ސެޓްފިކެޓްތައް ވެރިފައި ކުރެވޭނެ އައު ސިސްޓަމެއް ގާއިމްކުރުމުގެ މަސައްކަތް ކުރަމުން އަން ކަމަށް އެ އޮތޯރިޓީން ހާމަކޮށްފައިވާއިރު މައްސަލަ ހައްލުކުރުމަށްޓަކައި، އެންސީއައިޓީއާ ގުޅިގެން ސެޓްފިކެޓްތައް ވެރިފައި ކުރެވޭނެ ސިސްޓަމެއް ގާއިމްކުރުމުގެ މަސައްކަތް ކުރަމުންދާ ކަމަށް އެ އޮތޯރިޓީން ބުނެ އެވެ.
