"ސީއެންއެމް" އިން ކުރި ސުވާލަކަށް ޖަވާބުދެއްވަމުން އުމަރު ނަސީރު ވިދާޅުވީ އެއްވެސް ގާނޫނެއް މުހިންމު ނޫންކަމަށާއި އަދި އެއްވެސް ގާނޫނެއް ހެދުމަށްވެސް ތާއީދު ނުކުރާކަމަށެވެ.
މިކަމުގެ ސަބަބެއްގެ ގޮތުގައި އުމަރު ވިދާޅުވީ ރާއްޖޭގައި މިހާރުވެސް ހެދިފައި ގިނަ ގާނޫނުތަކެއް ފޮތްފޮތުގައި ލިޔެ ބަހައްޓާފައި އެބަ ހުރިކަމަށާއި، ގާނޫނުތައް ހުރީ މަތާރަން މަތީ، ފިލާތައްމަތީ ހިރަފުސް އަރުވަން ބަހައްޓާފައި ކަމަށެވެ. އަދި އޭގެ އެވެސް ގާނޫނަކަށް އަމަލު ނުކުރާކަމަށް ވެސް އޭނާ ވިދާޅުވި އެވެ.
ކަންމިހެން ހުރި އިރު، މިރާއްޖެއަށް މުހިންމީ ގާނޫނެއް ހެދުން މުހިންމު ނޫންކަމަށާއި މުހިންމީ ހެދިފައި ހުރި ގާނޫނުތަކަށް އަމަލުކޮށް އެ ގާނޫތައް ތަންފީޒުކުރުންކަމަށް އުމަރު ވިދާޅުވި އެވެ.
އުމަރު އިތުރަށް ވިދާޅުވީ ގާނޫނެއްގައި ދެ ފަރާތް އޮންނަ ކަމަށާއި އެއީ ޕޮސިޓިވް އަދި ނެގަޓިން ސައިޑުކަމަށެވެ. ޕޮސިޓިވް ސައިޑު ކިތަންމެ ގިނަ ނަމަވެސް އެންފޯސްނުކުރާ ކަމަށާއި އެކަމުގެ ސަބަބުން ނެގަޓިވް ސައިޑު އަމިއްލައަށް އެންފޯސް ކުރެވިގެން އެކަމުގެ ގޯސް ނަތީޖާތައް މުޖުތަމައުން ފެންނަމުން އަންނަކަމަށެވެ.
އުމަރު ވިދާޅުވީ ސޯސަލް ކޮންޓްރެކްޓް ގާނޫނެއްވެސް ހެދި ދާނެ ކަމަށާއި ނަމަވެސް އޭގެން ނުކުންނާނެ ނަތީޖާއެއް ނެތްކަމަށެވެ. އަދި މިފަދަ ގާނޫނުތަކެއް ހަދައިގެން ދޮގު ނުހަދަން އެންގިދާނެ ކަމަށާއި ނަމަވެސް އެ ކަން އޮންނާނީ ތަންފީޒު ނުކުރެވި، ހަމަ ކުރިންވެސް ދެންނެތިފަދައިން ފިލާމަތީ ހިރަފުސްއަރަން ކަމަށް އުމަރު ވިދާޅުވި އެވެ.
