މިއަދު ބޭއްވި މި ބައްދަލުކުރެއްވުމުގައި ރައީސް އާއި ހާރިޖީ ވަޒީރު ވަނީ، ސަރަޙައްދީ ގޮތުންނާއި ބައިނަލްއަގުވާމީ ގޮތުން ދެގައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކާ މެދު މަޝްވަރާކުރައްވާފަ އެވެ. އެ ގޮތުން އިންޑިޔާކަނޑުގެ ހަމަޖެހުމާއި ސަލާމަތާއި، މޫސުމަށް އަންނަ ބަދަލުތަކަށް ހޭނުން ހިމެނެ އެވެ.
މި ބައްދަލުކުރެއްވުމުގައި ރައީސް ވަނީ އޮސްޓްރޭލިއާ ސަރުކާރުން ފަހިކޮށްދެއްވާ ސްކޮލާޝިޕްގެ ފުރުސަތުތަކަށް ޝުކުރު އަދާކުރައްވައި، ކުރިއަށް އޮތްތަނުގައިވެސް މިފަދަ ފުރުސަތުތައް ފުޅާވެގެންދާނެ ކަމަށް އުއްމީދުކުރައްވާކަމުގައި ވިދާޅުވެފަ އެވެ.
ރައީސް ޑރ. މުއިއްޒު އާއި ހާރިޖީ ވަޒީރުގެ ބައްދަލުކުރެއްވުން ނިންމަވާލައްވާފައިވަނީ، ދެ ޤައުމުން ޙިއްސާކުރާ ކަންބޮޑުވުންތަކުން އަރައިގަތުމަށް ގުޅިގެން މަސައްކަތްކުރުމަށާއި، ހާރިޖީ އަދި އިސްތިރާޖީ ގުޅުންތައް އިތުރަށް ހަރުދަނާކުރުމަށް މަސައްކަތްކުރައްވާނޭކަމުގެ ޔަޤީންކަން ދެއްވަމުންނެވެ.
