މިފްކޯއިން މީޑިއާތަކަށް ފޮނުވި މެސެޖެއްގައި ބުނީ މަސްވެރިންނަށް ދޭން މިހާރު ބާކީ އޮތީ 17 މިލިއަން ރުފިޔާކަމަށެވެ.
މަސްވެރިންނަށް ނުދެވި ހުރި ފާއިސާއާ ގުޅިގެން މިމަހުގެ ކުރީކޮޅުން ފެށިގެން މިނިސްޓްރީއާ ފިނޭންސް މިނިސްޓްރީއާ މަޝްވަރާކޮށްފައިވާކަމަށް މިފްކޯއިން ބުނެއެވެ. އަދި މި މަޝްވަރާތަކުގެ އެހީގައި މިވަގުތަށް ހައްލު ހޯދިފައިވާ ކަމަށްވެސް މިފްކޯއިން ވަނީ ބުނެފަ އެވެ.
މިފްކޯއިން ބުނީ އަމާޒަކީ މިހާރު މަސްވެރިންނަށް ނުދެވި ހުރި 17 މިލިއަން ރުފިޔާ އަންނަ ހަފްތާގެ ނިޔަލަށް އެއްކޮށް ދައްކާ ނިންމުންކަމަށެވެ.
ފިޝަރީޒް މިނިސްޓްރީގެ ޑެޕިއުޓީ މިނިސްޓަރުން ހިމެނޭ ވަފުދެއް ގއ. ދާންދޫއަށް އިއްޔެ ދިޔުމުން އެ ރަށުގެ މަސްވެރިންވަނީ އެޓީމު އެރަށަށް ފޭބިޔަ ނުދީ އިހުތިޖާޖުކޮށް ނުރުހުން ފާޅުކޮށްފަ އެވެ.
މި ސަރުކާރުގެ އަމާޒަކަށް ކުރިން ކަނޑައެޅީ މަސް ކިރާތާ އެންމެ ލަސްވެގެން 48 ގަޑިއިރުގެ ތެރޭގައި މަސްވެރިންނަށް ފައިސާ ދިނުމެވެ. ނަމަވެސް އެގޮތަށް އެކަން ކުރިއަށް ގެންދަން ދަތިވީ ދުނިޔޭގެ ބާޒާރުގައި މަހަށް ލިބޭ އަގު ވެސް ރަނގަޅުވެގެން ކަމަށް ސަރުކާރުން ބުނެފައިވެ އެވެ.
