މި އައު އުސޫލުގެ މަގްސަދަކީ މަގުމަތީގެ ސަލާމަތާއި ރައްކާތެރިކަން އިތުރުކުރުންކަމަށް ފުލުހުން ބުނެއެވެ. މީގެ ތެރޭގައި ސީނިއާ ފުލުހުންނާއި އަލަށް ތަމްރީނު ލިބޭ ފުލުހުން ހިމެނޭ ގޮތަށް، ފްރަންޓްލައިންގައި ހަރަކާތްތެރިވާ ފުލުހުންގެ އަދަދު އިތުރުކުރެވޭނެއެވެ.
މި ޕޮލިސީއަކީ ވަގުތީ ގޮތުން ތަންފީޒުކުރެވޭ އެއްޗެއް ނޫންކަމަށާއި، ކުރިއަށް އޮތްތަނުގައި ވެސް މި އުސޫލުން ފުލުހުންގެ ހިދުމަތް ފޯރުކޮށްދެވޭނެކަމަށް ފުލުހުން ބުނެއެވެ.
މި ޕޮލިސީގެ ދަށުން، މާލޭގެ 21 ސަރަހައްދެއްގައި ފުލުހުން ދާއިމީކޮށް ހަރަކާތްތެރިވާނެއެވެ. އަދި ސްކޫލްތަކާ ކައިރި ސަރަހައްދުތަކުގައި ސީނިއާ ފުލުހުން ބެހެއްޓުމަށްވެސް ހަމަޖެހިފައިވެއެވެ. މީގެ އިތުރުން، ޒަމާނީ ކޮމިއުނިކޭޝަން ސެންޓަރެއް މެދުވެރިކޮށް މި މަސައްކަތްތައް 24 ގަޑިއިރު މޮނިޓާ ކުރެވޭނެއެވެ.
ފުލުހުންގެ ހިދުމަތުން މި ޕޮލިސީ ތަންފީޒުކުރަން ފަށާފައިވާއިރު، އިތުރު 360 ވަރަކަށް ފުލުހުން ވެސް ގެންދަނީ ތަމްރީނު ކުރަމުންނެވެ.
