ދުނިޔެއަށް ލިބުނު މި އާ ހަނދު "ހަނދު" ދުނިޔެ ވަށައި އަނބުރެން ފެށީ އާދިއްތަ ދުވަހުން ފަށައިގެންނެވެ.
މިގޮތުން ދުނިޔޭގެ މަދާރުގައި އަލަށް ފާހަގަކުރެވުނު ހަނދަކީ ދުނިޔެ ވަޑައިގެން އެނބުރެން ފެށި އައު ގިނި ހިލައެއް ނުވަތަ އެސްޓްރޮއިޑެކެވެ. އެސްޓަރޮއިޑެއް ވަގުތީގޮތުން ދައުރުވަމުންދާކަން ސައިންސުވެރިން ވަނީ ޔަގީންކޮށްދީފައެވެ. މި އެސްޓަރޮއިޑަކީ "2024 ޕީޓީ5" ގެ ނަމުގައި ނަންދެވިފައިވާ، ގާތްގަނޑަކަށް 10 މީޓަރު ފުޅާމިނުގެ ހިލައެކެވެ.
މި އާ ހަނދު ހަމަ ލޮލަށް ނުފެނުން ނަމަވެސް، ޓެލެސްކޯޕެއް ފަދަ އެއްޗެއްގެ އެހީގައި ފެންނާނެކަމަށް ސައިންސުވެރިން ބުނެއެވެ.
ނާސާގެ އެސްޓަރޮއިޑް ޓެރެސްޓްރިއަލް-އިމްޕެކްޓް ލާސްޓް އެލާޓް ސިސްޓަމް (އެޓްލަސް) އިން މި އެސްޓަރޮއިޑް ފުރަތަމަ ފާހަގަކުރެވުނީ އޯގަސްޓް 7 ވަނަ ދުވަހުއެވެ. މި އެސްޓަރޮއިޑް ދުނިޔޭގެ ގުރުއަތުގައި މި އަހަރުގެ ނޮވެމްބަރު 25 ވަނަ ދުވަހާއި ހަމައަށް ދުނިޔޭގެ ވަށައިގެން ދައުރުވާނެކަމަށް ސައިންސުވެރިންބުނެއެވެ.
މި އެސްޓަރޮއިޑަކީ އާޖޫނާ އެސްޓަރޮއިޑް ބެލްޓުން އައިސްފައިވާ އެއްޗެކެވެ. ނަމަވެސް، މި އެސްޓަރޮއިޑް ދުނިޔޭގެ ވަށައިގެން ފުރިހަމަ އެއް ބުރު ނުޖަހާނެކަމަށް ބެލެވެއެވެ. އޭގެ ބަދަލުގައި، ދުނިޔޭގެ ގުރުއަތުގެ ސަބަބުން އޭގެ މަގު ކުޑަކޮށް ބަދަލުވެ، އަނެއްކާވެސް އޭގެ ދަތުރު ސޯލަރ ސިސްޓަމްގައި ކުރިއަށް ގެންދާނެއެވެ.
މިފަދަ "މިނީ-މޫން" (ކުދި ހަނދު) ތައް ދޭތެރެ ދޭތެރެއިން ދުނިޔެ ވަށައި އެނބުރެެން ފަށައެވެ. ވޭތުވެދިޔަ އަހަރުތަކުގައިވެސް މިފަދަ ހާދިސާތައް ރެކޯޑްކުރެވިފައިވެއެވެ. މިސާލަކަށް، 2022 އެންއެކްސް1 ފަދަ ބައެއް އެސްޓަރޮއިޑްތައް ދުނިޔެ ވަށައި މިގޮތައް އެނބުރުނެވެ. 1981 ވަނަ އަހަރުވެސް ވަގުތީ ހަނދެއް އެނބުރެން ފެށިއެވެ.
