މީރާއިން ބުނީ އިންކަމް ޓެކްސް ބަޔާން ހުށައަޅާފައިނުވާ ބޮޑެތި ޓެކްސް ދައްކާ ފަރާތްތަކުގެ ނަންތައް އާއްމުކުރީ ޓެކްސް ބަޔާން ހުށަނާޅާ އަދި ފައިސާ ނުދައްކާ ފަރާތްޔަލުގެ ނަން ހާމަކުރުމަށް އޮންނަ އުސޫލުގެ ދަށުން ކަމަށެވެ.
މީރާއިން އާއްމުކުރި ލިސްޓުގައި ބޮޑެތި ޓެކްސް ދައްކާ ފަރާތްތަކުގެ ތެރޭގައި ހިމެނޭ 43 ވިޔަފާރިއެއް ގެ ނަން ހިމެނެއެވެ.
މީރާއިން އާއްމުކުރި ލިސްޓުގައި ރާއްޖޭގެ ބޮޑެތި ކުންފުނިތަކާއި ރާއްޖޭގައި އެކި މަޝްރޫއުތައް ހިންގަމުން އަންނަ ބޭރުގެ ކުންފުނިތައްވެސް ހިމެނެއެވެ. އޭގެތެރޭގައި ޗައިނާގެ ޗައިނާ އިންޖިނިއަރުން ކޯޕަރޭޝަނާއި ސައުދީ ބިން ލާދިން ގްރޫޕްވެސް ހިމެނެއެވެ.
މިރާއިން ބުނީ ބޮޑެތި ޓެކްސް ދައްކާ ފަރާތްތަކުގެ ގޮތުގައި ގިންތިކޮށްފައިވާ ވިޔަފާރިތަތަކީ އަހަރެއްގެ ތެރޭގައި އެ ފަރާތުގެ ޖުމްލަ އާމްދަނީ 200 މިލިއަން ރުފިޔާއަސް ނުވަތަ އެއަށްވުރެ އިތުރުވާ ފަރާތްތަކާއި އެފަރާތްތަކާއި ގުޅުން އޮންނަ ވިޔަފާރިތައްކަމަށެވެ. މީރާއިން ބުނީ މިދިޔަ އަހަރުގެ އިންކަމް ޓެކްސް ބަޔާން ހުށަހަޅައި ފައިސާ ދެއްކުމުގެ ސުންގަޑިއަކީ މި އަހަރުގެ ޖޫން 30 ވަނަ ދުވަސްކަމަށެވެ.
