ރިޝްޓޯ ރަސްމީކޮށް ކުޅުން މި ހުއްޓާލީ 22 އަހަރުގެ ދިގު ކާމިޔާބު ކުރިއަރަކަށް ފަހުއެވެ. ރިޝްމާ ރިޓަޔާކުރިކަން އިއުލާނުކުރީ، ރޭ ނިމުނު ސުޕަ ކަޕުގެ ފައިނަލް މެޗުގެ މޮޅު ކުޅުންތެރިޔާގެ މަގާމު ހޯދުމަށް ފަހުއެވެ. މި މުބާރާތުގައި ރިޝްމާ ކުޅުނު ކުއީންސް ވަނީ ދެ ވަނަ ހޯދައިފަ އެވެ.
ކުޅިވަރު ކުޅުމާއި މީހުން ތަމްރީނު ކުރުމުގެ ރޮނގުން 2017 ވަނަ އަހަރު ގައުމީ އިނާމު ހާސިލްކޮށްފައިވާ ރިޝްމާ ވަނީ ގައުމީ އަންހެން ބާސްކެޓްބޯޅަ ޓީމަށް ސަރަހައްދީ ދެ މުބާރާތަކުން ރިހި މެޑަލް ހޯދައިދިނުމުގައި މުހިއްމު ދައުރެއް އަދާކޮށްފަ އެވެ. އޭނާ ވަނީ ކްލަބް ލެވެލްގައި ވިކްޓްރީ އާއި ޓީރެކްސް އަށް ގިނަ ކާމިޔާބީތަކެއް ހޯދައިދީފަ އެވެ.
ތާޖުއްދީން ސްކޫލާއި، އަމީނިއްޔާ ސްކޫލުގައި ކިޔެވިއިރު ކުޅިވަރުގައި ވިދާލި ރިޝްމާ އަކީ، ބާސްކެޓްބޯޅައިގެ އިތުރުން ނެޓްބޯޅަ އާއި ހޭންޑްބޯޅަ އާއި އެތުލެޓިކްސްގެ ވެސް ވިދާލި އެތްލީޓެކެވެ. ރިޝްމާގެ ފިރިމީހާ މުހައްމަދު ޒިލާލަކީ ރާއްޖޭގެ ބާސްކެޓްބޯޅައިގެ ލެޖެންޑެކެވެ.
