އެމްކިއުއޭއިން އަންނަނީ މަތީ ތައުލީމް ދޭ މަރުކަޒުތަކުން ކުރިޔަށް ގެންދިއުމަށް ހުށައަޅާ މަތީ ތައުލީމްގެ ޕްރޮގްރާމްތަށް އެމްއެންކިއުއެފް( މޯލްޑިވްސް ކޮލިފިކޭޝަން ފްރޭމްވޯކް) އަށް ފެތޭތޯ ބަލައި އެކްރެޑިޓް ކުރަމުން ކަމަށް އެ އިދާރާއިން ބުނެއެވެ.
މިއަހަރުގެ އޮގަސްޓް މަހުގެ ނިޔަލަށް މަތިތައުލީމް ފޯރުކޮށްދޭ މަރުކަޒުތަކުން 227 ޕްރޮގްރާމެއް އެކްރެޑިޓް ކުރުމަށް ވަނީ ހުށައަޅާފައިކަމަށް އެމްކިއުއޭއިން ބުނެއެވެ. އޭގެ ތެރެއިން 210 ޕްރޮގްރާމެއް އެކްރެޑިޓް ކުރެވިފައިވާއިރު ބަކީ ހުރި 17 ޕްރޮގްރާމްގެ މަސައްކަތްތައް ކުރަމުން އަންނަ ކަމަށް އެމްކިއުއޭއިން ފާހަގަކުރެއެވެ.
އެމްކިއޭއިން ވަނީ ފަހަކަށް އައިސް ވަގު ސެޓްފިކެޓް ވިއްކުމާއި ގަވާއިދާ ހިލާފަށް އެޓެސްޓުކުރުމުގެ މައްސަލަތައް އިތުރުވުމާ ގުޅިގެން ސެޓްފިކެޓްތައް ވެރިފައި ކުރެވޭނެ އައު ސިސްޓަމެއް ގާއިމްކުރުމުގެ މަސައްކަތް ކުރަމުން އަން ކަމަށްވެސް ފާހަގަކޮށްފައެވެ.
ރާއްޖޭގެ މަތީތައުލީމްގެ ފެންވަރު ރަގަޅުކޮށް، ރާއްޖޭގެ ޔުނިވާސިޓީތަކަީ ބޭރުގެ ދަރިވަރުން އައިސް ތައުލީމް އުގެނޭނެ ފެންވަރުގެ ތަންތަނަށް ހެދުމަކީ މި ސަރުކާރުގެ އަމާޒެކެވެ. އެހެންކަމުން ރާއްޖޭގައި މަތިތައުލީމްގެ ފެންވަރު ރަގަޅުކުރުމަށް ކުރެވެންހުރި މަސައްކަތްތައް ކުރަމުން އަންނަ ކަމަށް ހަޔާ އެޑިއުކޭޝަން މިނިސްޓްރީން ފާހަގަކުރެއެވެ.
