އުމުރުން 39 އަހަރުގެ ރޮނާލްޑޯ މެންޗެސްޓާ ޔުނައިޓެޑް ދޫކޮށްލުމަށްފަހު ސައުދީ ޕްރޯ ލީގުގެ އަލް ނަސްރާ ގުޅުނީ 2023 ވަނަ އަހަރުގެ ޖެނުއަރީ މަހު އެވެ.
ހޯމަ ދުވަހު ރެއާލް މެޑްރިޑާއި ޔުވެންޓަސްގެ ކުރީގެ ތަރި ވަނީ އޭއެފްސީ ޗެމްޕިއަންސް ލީގުގެ ގްރޫޕް ސްޓޭޖުގައި ގަތަރުގެ އަލް ރަޔާން އަތުން 2-1 އިން އަލް ނަސްރު މޮޅުވި މެޗުގައި ލަނޑު ޖަހާފައެވެ. އެހެންނަމަވެސް ރޮނާލްޑޯ ބުނީ އިންޖިވިޖުއަލް އެއްވެސް ރެކޯޑަކާ މެދު ނުވިސްނާ ކަމަށެވެ.
"އަހަރެން ހޭނިފައި މިވަނީ ރެކޯޑްތައް މުގުރާލަން، މިހާރު އެ ރެކޯޑްތައް ނުހޯދަން. އަހަންނަށް މިހާރު އެންމެ މުހިންމު ކަމަކީ އުފާކޮށް އަލް ނަސްރާއި ޓީމުގެ ކުޅުންތެރިންނަށް މޮޅުވުމަށް އެހީތެރިވުން."
ފަސް ފަހަރެއްގެ މަތިން ބެލޮންޑިއޯ އެވޯޑް ލިބިފައިވީ ނަމަވެސް 2024 ވަނަ އަހަރުގެ އެވޯޑަށް ޝޯޓްލިސްޓްކޮށްފައެއް ނުވެ އެވެ. ކެރިއަރުގައި 904 ވަނަ ގޯލު ޖެހުމަށްފަހު ރޮނާލްޑޯ ވަނީ އޭނާގެ އާދައިގެ ގޯލު އުފާފާޅުކުރުމުގެ ބަދަލުގައި އުޑުމައްޗަށް އިޝާރާތްކޮށްފައެވެ.
ޕޯޗުގަލްގެ ކެޕްޓަން ވަނީ މިދިޔަ މަހު ނޭޝަންސް ލީގުގައި ސްކޮޓްލޭންޑް އަތުން 2-1 އިން މޮޅުވެ ކެރިއަރުގައި 901 ވަނަ ލަނޑު ވެސް ކާމިޔާބުކޮށްފަ އެވެ.
