އެކުންފުނިން ވަނީ މި އިމާރާތް އަޅާދޭނެ ބަޔަކު ހޯދުމަށް އިއުލާންކޮށްފައެވެ.
އެމްޕީއެލްއިން ބުނީ މީ ކޮންޓްރެކްޓާ ފައިނޭންސިން ގެ އުސޫލުން ކުރިއަަށް ގެންދާ މަޝްރޫއެއްކަމަށެވެ. އަދި މި އިމާރާތް އެޅުމަށް ނިންމައިވަނީ ހުޅުމާލޭ ފެރރީ ޓާމިނަލް ހުރު ބިމުގައިކަމަށްވެސް އެމްޕީއެލުން ބުނެއެވެ.
މި އިމާރާތް އަޅާ ބިމަކީ 9,582 އަކަފޫޓްގެ ބިމެއްކަމަށާއި މި މަސައްކަތުގެ އަދަޒާ އަގަކީ 112 މިލިއަނާއި 161 މިލިއަން ރުފިޔާއާިއ ދެމެދުގެ އަގެއްކަމަށް އެމްޕީއެލުން ބުނެއެވެ.
އަލަށް ހަދާ އޮފީސް މި އިމާރާތުގައި ކޮންފަރެންސްތަކާއި އިވެންޓުތައް ބޭއްވުމަށް ހާއްސަ ވަކި ފްލޯއެއް ހުންނާނެކަމަށް އެމްޕީއެލުން ބުނެއެެވެ. މީގެއިތުރުން ކެފޭ/ ރެސްޓޯރެންޓުތައް ހިންގަން ވަކި ހާއްސަ ފްލޯއަކާއި ވިޔަފާރިތަކަށް ވަކިން ފްލޯއެއް ކަނޑައަޅާފައިވާކަމަށްވެސް އެމްޕީއެލުން ބުނެއެވެ.
މި އިމާރާތުގެ އަށްވަނަ ބުރިއާ ނުވަވަނަ ބުރި ހާއްސަކޮށްފައިވަނީ މީހުން ދިރިއުޅުމަށެވެ. އަދި އިމާރާތުގެ އެންމެ މަތީގައި ރޫފް ޓޮޕުގައި ރެސްޓޯރެންޓެއް ހެދުމަށް ނިންމާފއިވާކަމަށްވެސް އެމްޕީއެލުން ބުނެއެވެ. މީގެއިތުރުން ބޭސްމަންޓް ޕާކިން އޭރިޔާގެ ގޮތުގައި ކަނޑައަޅާފައިވާކަަމަށްވެސް އެމްޕީއެލުން ވަނީ ބުނެފައެވެ.
