އިލެކްޝަންސް ކޮމިޝަންގެ ރައީސް ފުވާދު ތައުފީގު ދައުލަތުގެ މީޑިއާގައި ވާހަކަ ދައްކަވަމުން ވިދާޅުވީ ސިޔާސީ ޕާޓީތަކާބެހޭ ޤާނޫނަށް ދެ އިސްލާހެއް ހުށަހެޅުމަށް ނިންމާފައިވާކަމަށެވެ. އޭގެތެރޭގައި ސިޔާސީ ޕާޓީތަކަށް ފައިސާދޭ އުސޫލް ހިމެނޭކަމަށް ފުއާދު ވިދާޅުވިއެވެ.
ފުއާދު ވިދާޅުވީ ކޮމިޝަނުން ގެންނަން އެދޭ އިސްލާހުގައި ވަނީ ސިޔާސީ ޕާޓީތަކަށް ފައިސާ ދޫކުރަން ބަޖެޓްގައި ހިމެނޭ ފައިސާ 4 ބަޔަކަށް ބަހާލާފައިވާކަމަށެވެ.
އޭގެތެރޭގައި ވަނީ ކޮމިޝަނުގައި ރަޖިސްޓްރީވެފައިވާ 3،000 މެންބަރުން ހަމަވާ ހުރިހާ ޕާޓީތަކާއި، 10،000 މެންބަރުން ހަމަވާ ޕާޓީތަކާއި، މަޖިލިސް އިންތިހާބާއި ލޯކަލް ކައުންސިލް އިންތިހާބުގައި ޕާޓީތަކުން ހޯދާ ކާމިޔާބީއަށްކަމަށެވެ.
ބަޖެޓުގެ 25 އިންސައްތަ ހާއްސަ ކުރާނީ ހުރިހާ ސިޔާސީ ޕާޓީތަކަށް، އަނެއް 25 އިންސައްތަ 10،000 މެންބަރުން ހަމަވާ ޕާޓީތަކަށް ކަމަށް ފުއާދު ވިދާޅުވިއެވެ. ބާކީ އޮތް 50 އިންސައްތައިން 30 އިންސައްތަ ހާއްސަކުރާނީ މަޖިލިސް އިންތިހާބުގައި ޕާޓީތަކުން ހޯދާ ކާމިޔާބީއަށެވެ. އަނެއް 20 އިންސައްތަ ހާއްސަ ކުރާނީ ކައުންސިލް އިންތިހާބުގައި ހޯދާ ކާމިޔާބީއަށްކަމަށް ފުއާދު ވިދާޅުވިއެވެ.
ފުއާދު ވިދާޅުވީ މި ބަދަލުތައް ގެންނަނީ ޕާޓީތަކާއި މަޝްވަރާކުރުމަށްފަހު ފާހަގަކުރެވުނު ކަންތައްތަކަށް ބަލާފައިކަމަށެވެ.
ޤާނޫނުގައި އޮންނަ ގޮތުން ދައުލަތުގެ ބަޖެޓުން ސިޔާސީ ޕާޓީތަކަށް ފައިސާ ދަުކުރާނީ 10،000 މެންބަރުން ހަމަވާ ޕާޓީތަކަށެވެ.
