ޝިގެރޫ މިހެން ވިދާޅުވީ އެމަނިކުފާނު މަގާމަށް ހޮވިވަޑާއިގަތުމުން ރައީސް ޑރ މުހައްމަދު މުިއއްޒު ކުރެއްވި ތަހުނިޔާ މެސެޖަށް ޖަވާބުދެއްވަމުންނެވެ.
ޖަޕާންގެ އާ ބޮޑުވަޒީރު ޝިގެރޫ އިޝިބް ވަނީ އެމަނިކުފާނަށް މަރުހަބާ ވިދާޅުވެ މެސްޖުކުރެއްވުން ރައީސް ޑރ. މުއިއްޒަށް ޝުކުރު އަދާކުރައްވާފައެވެ. އަދި ވިދާޅުވީ "ފްރީ އެންޑް އޯޕަން އިންޑޯ-ޕެސިފިކް" އެއް ހަގީގަތަކަށް ހެދުމަށްޓަކައި، ދެ ގައުމުގެ ދެމެދުގައި އޮތް އާދަޔާ ހިލާފު ރަހުމަތްތެރިކަމުގެ ގުޅުން އިތުރަށް ބަދަހިކޮށް ގުޅިގެން މަސައްކަތް ކުރާނެކަމަށް އުއްމީދުކުރައްވާކަމަށެވެ.
ރައީސް ޑރ، މުއިއްޒު ބޮޑުވަޒީރު އިޝިބައަށް މަރުޙަބާ ވިދާޅުވެ ފޮނުއްވި ސިޓީފުޅުގައި އެމަނިކުފާނުގެ މަސައްކަތްޕުޅަށް ކާމިޔާބީއަށް އެދިވަޑައިގެން، އެމަނިކުފާނުގެ ޒައާމަތުގައި ޖަޕާނަށް އިތުރު ކުރިއެރުންތައް ލިބޭނެ ކަމުގެ ޔަގީންކަން އެބައޮތް ކަމަށް ވިދާޅުވެފައިވެއެވެ.
މީގެއިތުރުން ދިވެހިރާއްޖެއާއި ޖަޕާނާ ދެމެދުގައި އޮތް ރަޙްމަތްތެރިކަމުގެ ގުޅުން އިތުރަށް ހަރުދަނާކުރުމަށް ޖަޕާނުގެ ސަރުކާރާއެކު މަސައްކަތްކުރެއްވުމަށް ބޭނުންފުޅުވާކަން ހާމަކުރައްވާފައިވެއެވެ. އަދި ޖަޕާނަކީ އެކި ދާއިރާތަކުން ދިވެހިރާއްޖޭގެ ތަރައްޤީއަށް އަބަދުވެސް، ގިނަގުނަ އެހީތައް ވެދެއްވާ ޤައުމެއްކަން ރައީސުލްޖުމްހޫރިއްޔާ ފާހަގަކުރައްވާފައިވެއެވެ.
ރައީސުލްޖުމްހޫރިއްޔާގެ މެސެޖު ނިންމަވާލަވާފައިވަނީ ޖަޕާނުގެ އައު ބޮޑުވަޒީރަށާއި އެޤައުމުގެ ރައްޔިތުންނަށް ހެއެއެދުންތައް އަރިސްކުރައްވައި، ހަމަޖެހުމާއި ކުރިއެރުމަށް އެދިވަޑައިގަންވަމުންނެވެ.
