މި ސެންޓަރަކީ ރަށުގެ ރައްޔިތުންނަށް ފަސޭހަކަމާއެކު ބޭންކިންގ ހިދުމަތް ލިބިގަތުމަށް މަގުފަހިކޮށްދޭނެ މުހިންމު ވަސީލަތެކެވެ.
މި އައު ސެންޓަރުގެ ސަބަބުން ގާފަރު ރައްޔިތުންނަށް ދުވާލުގެ 24 ގަޑިއިރުވެސް ފައިސާ ނެގުމާއި، ޖަމާކުރުމާއި، ބިލްތަކަށް ފައިސާ ދެއްކުމާއި އަދި ފައިސާ ޓްރާންސްފާ ކުރުމުގެ ހިދުމަތް ލިބިގެންދާނެއެވެ. މިއީ އަމިއްލަ ފަރުދުންނާއި ވިޔަފާރިތަކަށް ވަރަށް ބޮޑު ލުއިފަސޭހައެއް ގެނެސްދޭނެ ކަމެކެވެ.
ބީއެމްއެލްގެ ޑެޕިއުޓީ ސީއީއޯ އަދި އިންޗާޖް އޮފް ދަ ބޭންކް އައިޝަތު ނޫރައްދީން ވިދާޅުވި ގޮތުގައި މި އައު ސެންޓަރަކީ ކަސްޓަމަރުންގެ ބޭނުންތަކަށް އަމާޒުކޮށްގެން ހިދުމަތް ފޯރުކޮށްދިނުމަށް ބޭންކުން ކުރަމުންދާ މަސައްކަތުގެ ނަތީޖާއެކެވެ.
ގާފަރުގައި މި އަާ ސެންޓަރު ހުޅުވުމާއެކު، ކ. އަތޮޅުގެ މީހުން ދިރިއުޅޭ 8 ރަށެއްގައި ބީއެމްއެލްގެ ސެލްފް ސާވިސް އޭޓީއެމް ސެންޓަރުތައް ގާއިމުކުރެވިފައިވާކަން ފާހަގަކުރެވެއެވެ. މިއީ ބޭންކުން ރާއްޖޭގެ އެކި ކަންކޮޅުތަކަށް ބޭންކިންގ ހިދުމަތް ފޯރުކޮށްދިނުމަށް ކުރަމުންދާ މަސައްކަތުގެ ބައެކެވެ. ބީއެމްއެލްގެ މި މަސައްކަތުގެ ސަބަބުން ރާއްޖޭގެ ގިނަ ރަށްތަކެއްގެ ރައްޔިތުންނަށް ފަސޭހަކަމާއެކު ބޭންކިން ހިދުމަތް ލިބިގަނެވޭނެ މަގު ތަނަވަސްވެގެންދާނެއެވެ.
