މިހެން އޭނާ ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އަރިހަށް އިޙްތިރާމުގެ ޒިޔާރަތެއް ކުރެއްވުމަށްފަހު ބޭއްވުނު ބައްދަލުވުމެއްގައެވެ.
މި ބައްދަލުވުމުގައި ގަވަރުނަރު ރާދަކްރިޝްނަން ވަނީ ވިޔަފާރިއާއި ފަތުރުވެރިކަމުގެ ދާއިރާއިން ދެ ގައުމުގެ ދެމެދުގައި އޮންނަ ބަދަހި ގުޅުމާ ބެހޭގޮތުން ވާހަކަފުޅު ދައްކަވާފައެވެ.
ރައީސް މުއިއްޒު ވިދާޅުވީ އަންނަ އަހަރަކީ އިންޑިއާ އާއި ރާއްޖެއާ ދެމެދު ހާރިޖީ ގުޅުން ގާއިމުކުރިތާ 60 އަހަރު ފުރޭ މުނާސަބަތު ކަމަށާއި، މި ދިގު މުއްދަތުގައި ދެ ގައުމުގެ ދެމެދުގައި އޮތް ބަދަހި ގުޅުމުގެ އަގު ވަޒަންކުރައްވާ ކަމުގައެވެ. އަދި މުމްބާއީގެ ރައްޔިތުންނާއި ގަވަރުނަރު ރާދަކްރިޝްނަން، އެމަނިކުފާނުގެ ދަތުރުފުޅަށް ދެއްވި މެހުމާންދާރީއަށް ޝުކުރު އަދާކުރެއްވިއެވެ.
މި ބައްދަލުވުމަކީ ރައީސް މުއިއްޒު އިންޑިއާއަށް ކުރައްވަމުންގެންދަވާ ރަސްމީ ދަތުރުފުޅުގެ ތެރެއިން މުމްބާއީގައި ބޭއްވުނު ބައްދަލުވުމެކެވެ. މި ދަތުރުފުޅުގައި ދެ ގައުމުގެ ދެމެދުގައި އޮތް ގުޅުން އިތުރަށް ހަރުދަނާކުރުމަށް މަގުފަހިވާނެ ކަމަށް ބެލެވެއެވެ.
