އެމަނިކުފާނު މި ޔަގީންކަން ދެއްވީ ބެންގަލޫރުގައި ދިރިއުޅޭ ދިވެހިންނާ ބައްދަލުކުރައްވާ ވާހަކަ ދައްކަވަމުންނެވެ.
ރައީސް މުއިއްޒު ވިދާޅުވީ އިންޑިއާއެކު ވީ އެއްބަސްވުމަކީ އެންމެނަށް ފެންނަން އޮތް އެއްޗެއްކަމަށެވެ. އަދި ދެ ގައުމުން އެއްބަސްވީ ލިޔެވިފައިވާ އެއްޗަކަށްކަމަށާއި އެ އެއްބަސްވުންތައް ހަދާފައިވަނީ އެމަނިކުފާނުގެ ސަރުކާރުގެ ސިޔާސަތަކާއި އެއްގޮތަށްކަމަށެވެ.
ރައީސްް ވިދާޅުވީ ދިވެހިންނަށް އެންމެ މުހިންމީ އިސްލާމްދީނާއި ގައުމިއްޔަތެވެ. އެކަންކަމަށް ބުރޫއަރާ އެއްވެސް ކަމެއް ވިޝަން ޑޮކިއުމަންޓުގައި ނުހުންނާނެކަން ފާހަގަކުރައްވަމުން ރައީސް މުއިއްޒު ވިދާޅުވީ އެމަނިކުފާނުގެ ސަރުކާރަކީ ދެ ފުށް ފެންނަ ގޮތަށް ހިންގަމުން އަންނަ ސަރުކާރެއްކަމަށެވެ. އެހެންކަމުން އެހެން ބަޔަކު ދައްކާ ވާހަކައަކަށް ފިކުރު ނުކުރަން ރައީސް ވަނީ އެދިވަޑައިގެންފައެވެ.
ރައީސް ޑރ. މުިއއްޒު ވިދާޅުވީ މިފަހަރުގެ އެއްބަސްވުންތަކުގައި ކުރީގައި ކަންކަން ކުރިގޮތަށް އެހެން ބަޔަކު ކަންކަން ކުރަން ޖެހޭ ގޮތަށް ދޫކޮށްލާފައި ނުވާނެ ކަމަށެވެ. އެއްބަސްވުންތަކުގައި އޮންނާނީ ދިވެހިންގެ ފުދުންތެރިކަން އިތުރު ކޮށްގެން ކުރާކަންކަމުގެ ވާހަކަކަމަށާއި އެހެން ބައެއްގެ އަތްމައްޗަށް ކަންކަން ދޫކޮށްލައިގެން ކަންކަން ކުރާ ވާހަކައެއް ނޯންނާނެކަމަށް ރައީސް މުއިއްޒު ވިދާޅުވިއެވެ.
