ޑިވެލޮޕްމަންޓް ބޭންކް އަކީ ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތީން، ދެމެހެއްޓެނިވި އިގުތިސާދީ އަދި އިޖުތިމާޢީ ތަރައްގީއަށް އިންވެސްޓުކުރުމާއި، އުމްރާނީ ތަރައްގީއަށް ބޭނުންވާ ފައިސާ ހޯދުމުގެ ބޭނުމުގައި އުފެއްދެވި ކުންފުންޏެއް ކަމަށް ސަރުކާރުން ބުނެފައިވެ އެވެ.
އެ ކުންފުނި އުފެއްދުމުގެ މަގުސަދުތަކުގެ ތެރޭގައި ސިންޑިކޭޝަން ފައިނޭންސް މެދުވެރިކޮށް ޕީއެސްއައިޕީ މަޝްރޫޢުތަކަށް ފައިސާ ފޯރުކޮށް ދިނުމުގައި ދިމާވާ ގޮންޖެހުންތައް ހައްލުކުރުމާއި، ރާއްޖޭގެ ބޭންކިން ނިޒާމުގައި ބޭރު ފައިސާ ބެހެއްޓުމުގެ ޝައުގުވެރިކަން އިތުރު ކުރިން ހިމެނެ އެވެ.
ޑިވެލޮޕްމެންޓު ބޭންކު ރަޖިސްޓްރީކޮށް ބޭންކަށް އެމްއެމްއޭއިން ހުއްދަ ދޫކުރުމާ ގުޅިގެން އެކްސްގައި ކުރެއްވި ޕޯސްޓެއްގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ޑިވެލޮޕްމެންޓު ބޭންކު ހިންގުމުގެ ލައިސެންސް ފުރަތަމަ ފަހަރަށް ލިބުމަކީ ވަރަށް ބޮޑު ފަހުރެއް ކަމަށެވެ.
އެ ލައިސެންސް ހަވާލުކުރުމަށް އެމްއެމްއޭގައި ބޭއްވި ރަސްމިއްޔާތުގައި އެމްއެމްއޭގެ ގަވަރުނަރު އަހުމަދު މުނައްވަރާއި އަލަށް އެކުލަވައިލި ޑިވެލޮޕްމެންޓު ބޭންކުގެ ޗެއާޕާސަން ކުރީގެ ފިނޭންސް މިނިސްޓަރު އަބްދުﷲ ޖިހާދު ބައިވެރިވެވަޑައިގެންފަައިވެ އެވެ.
ޑިވެލޮޕްމެންޓު ބޭންކުގެ ސީއީއޯ އަދި ޑެޕިއުޓީ ސީއީއޯގެ މަގާމަށް ބޭރުގެ ތަޖުރިބާކާރު ދެ ބޭފުޅަަކު އައްޔަންކޮށްފަައިވެ އެވެ.
ބޯޑަށް އައްޔަނު ކުރެއްވީ ދިވެއްސަކާ ބޭރުގެ ދެ ބޭފުޅެކެވެ. އެއީ؛
- އަހްމަދު އަލީ - މއ. ވޭސައިޑް 805 ފްލެޓް
- ސައީދު އަބްދުއްނާސިރު ބިން ސައީދު ހަސަން އަލް ޖުނެއިދު - ސިންގަޕޫރު
- ރޮބަޓް ޑުނިއެލް ކާންޓް - އިނގިރޭސިވިލާތް
ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ރަޖިސްޓްރީ ކުރެވިފައިވާ އެޑްރެހަކީ މިނިސްޓްރީ އޮފް ފިނޭންސް، އަމީނީމަގު، 20379، މާލެ، ދިވެހިރާއްޖެ އެވެ. މި ބޭންކަކީ ސައްތައިންސައްތަ ސަރުކާރު ކުންފުންޏެކެވެ.
