ރަށުން ބޭރުގައި ރޭ އިންގްލަންޑް، ފިންލަންޑް އަތުން މޮޅުވީ ތިން ލަނޑު އެއް ލަނޑުންނެވެ. އިންގްލެންޑް ޓީމަށް ރޭގެ މެޗުގައި ލީޑުނަގައިދިނީ 18 ވަނަ މިނިޓްގައި އެންޖެލް ގޯމޭސް ދިން ބޯޅައަކުން ޖެކް ގްރީލިޝް އެވެ. އިނގިރޭސިންނަށް ދެވަނަ ލަނޑު ޖަހައިދިނީ ހިލޭޖެހުމަކުން ޓްރެންޓް އަލެކްސަންޑަ އާނޯލްޑް އެވެ. އަދި އިންގްލަންޑްގެ ފަހު ލަނޑު ޖެހީ ޑެކްލަން ރައިސް އެވެ. ފިންލެންޑުން ހަމައެކަނި ލަނޑު ޖެހީ މެޗުގެ ފުރިހަމަ ވަގުތު ހަމަވާން ދެ މިނިޓަށް ވެފައި ހުއްޓައި އާރްޓޫ ހޮސްކޯނެން އެވެ.
ގްރީސް އިން ރޭ 2-0 އިން އަޔަލެންޑް ބަލިކުރުމާ އެކު، ނޭޝަންސް ލީގުގެ ލީގު ބީގެ ގްރޫޕް ދޭއްގެ އެއް ވަނައިގައި އޮތީ ހަތަރު މެޗުން 12 ޕޮއިންޓާ އެކު ގްރީސް އެވެ. ދެ ވަނައިގައި އޮތް އިންގްލެންޑަށް ނުވަ ޕޮއިންޓް ލިބިފައިވާއިރު، ތިން ވަނައިގައި އޮތް އަޔަލެންޑަށް ވަނީ ތިން ޕޮއިންޓް ލިބިފަ އެވެ. ފިންލެންޑް ފުލުގައި އޮތީ ޕޮއިންޓެއް ނުލިބި އެވެ.
