ދިވެހި ފުލުހުންގެ ހިދުމަތުގެ ފަރާތުން މި ތަކެއްޗާއި ހަވާލުވެވަޑައިގެންނެވީ ކޮމިޝަނަރު އޮފް ޕޮލިސް އަލީ ޝުޖާއުއެވެ. ޖަޕާން ސަރުކާރުގެ ފަރާތުން މިތަކެތި ހަވާލުކޮށްދެއްވީ ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ތަކެއުޗީ މިދޮރީއެވެ.
މި ތަކެތި ހަވާލުކުރުމަށް ބޭއްވި ރަސްމިއްޔާތުގައި ފުލުހުންގެ އިސްވެރިން ވަނީ ބައިވެރިވެފައެވެ. މި ތަކެއްޗާއި ހަވާލުވެޑައިގަތުމަށްފަހު ކޮމިޝަނަރު އަލި ޝުޖާއު ވަނީ ޖަޕާނާއި ޔޫއެންއޯޑީސީގެ ފަރާތުން ފުލުހުންނަށް ފޯރުކޮށްދޭ އެހީތެރިކަން ފާހަގަކޮށް އެކަމަށް ޝުކުރު އަދާކޮށްފައެވެ.
ޖަޕާނުން އަންނަނީ ދިވެހި ފުލުހުންގެ ހިދުމަތަށް ގިނަ އެހީތަކެއް ދެމުންނެވެ. ދާދި ފަހުން ޖަޕާނުން ވަނީ ދިވެހި ފުލުހުންގެ ހިދުމަތަށް ވެހިކަލްތަކެއް ހަދިޔާކޮށްފައެވެ.
ޖަޕާނު ސަރުކާރުން ހަދިޔާކުރި ތަކެތީގެ ތެރޭގައި 54 ޕޮލިސް ކާރާއި، 4 ޓޮޔޯޓާ ވޭން ހިމެނެ އެވެ. އެތަކެތީގެ އަގު 4 މިލިއަން އެމެރިކާ ޑޮލަރު ނުވަތަ 61.7 މިލިއަން ރުފިޔާއަށް އަރާ ކަމަށް ފުލުހުންގެ ހިދުމަތުން ވަނީ ބުނެފައެވެ.
