ސްޕެއިން އަދި ބާސެލޯނާގެ ފޯވާޑް ޔަމާލަށް އަނިޔާވުމާ ގުޅިގެން އޭނާވަނީ ސްޕެއިންގެ ސްކޮޑުން ވަކިވެފައެވެ. އުމުރުން 17 އަހަރުގެ ޔަމާލަށް އަނިޔާވީ، ޔުއެފާ ނޭޝަންސް ލީގުގައި ޑެންމާކާ ދެކޮޅަށް ސްޕެއިން ކުޅުނު މެޗުގައެވެ.
ޔަމާލްގެ އިންޖަރީއާ ގުޅޭ ރިޕޯޓްތައް ބުނާ ގޮތުން މި ވަގުތު އޭނާ ޓީމުން ބާކީ ކުރީ، އިތުރަށް އަނިޔާއެއް ވެދާނެ ކަމުގެ ރިސްކު ނުނެގުމަށެވެ. ޔަމާލަށް ލިބުނު މި އަނިޔާގެ ސަބަބުން ނޭޝަންސް ލީގުގައި ސްޕެއިނުން މާދަމާރޭ ސާބިއާއާ ދެކޮޅަށް ކުޅުމަށް ހަމަޖެހިފައިވާ މެޗުގައި އޭނާ ނުކުޅެވޭނެއެވެ.
އުމުރުން 17 އަހަރުގެ ޔަމާލްއަކީ މި އަހަރު ފްރާންސްގައި އޮތް ޔޫރޯ މުބާރާތް ސްޕެއިނަށް ކާމިޔާބުކޮށްދިނުމުގައި އެންމެ މުހިއްމު ދައުރު ކުޅުނު އެއް ކުޅުންތެރިޔާއެވެ. އުމުރުން އެންމެ 15 އަހަރުގައި ސްޕެއިނަށް ކުޅެން ފެށި ޔަމާލް ވަނީ މިހާތަނަށް އެ ޓީމަށް 17 މެޗު ކުޅެފައެވެ.
