ހިނާ މިހެން ވިދާޅުވި އެކްސް މެދުވެރިކޮށް ކުރެއްވި ރަސްމި ޕޯސްޓެއްގައެވެ.
ހީނާ ވަނީ އެ ޕޯސްޓްގައި އަދަދު ނޫހުން ރައީސް ޑރ. މުހައްމަދު މުއިއްޒުގެ ސަރުކާރުން 7000 ވުރެއް ގިނަ ވަޒީފާ ދީފައިވާ ކަމަށް ބުނެ އަދަދު ނޫހުން ޝާއިއުކޮށްފައިވާ ވާހަކަ އަށް ރައްދު ދެއްވާފައެވެ.
ހިޔާލަށް އަންނަހާ ވާހަކައެއް އެއްވެސް ހަގީގަތެއް ބަލައިލުމެއް ނެތި ފެތުރުމަކީ ޒިންމާދާރު ނޫސްވެރިކަމެއް ނޫން ކަމަށް ފާހަގަކޮށް ހީނާ ވިދާޅުވީ ހަމައެކަނި ސަރުކާރު ކުންފުނިތަކަށް ބެލި ނަމަވެސް 2023 ވަނަ އަހަރުގެ ފަހު ކުއާޓާއަށް ވުރެ މި އަހަރުގެ ފުރަތަމަ ކުއާޓާގައި ސަރުކާރު ކުންފުނިތަކުގެ މުވައްޒަފުންގެ އަދަދުން 1000 އަށްވުރެ ގިނަ މުވައްޒަފުން މަދުވެފައިވާކަން ޕީސީބީއިން ހާމަކޮށްފައިވާ ހިސާބުތަކުން އެނގޭ ކަމަށް ހާމަވާކަަމަށެވެ.
އަދަދު ނޫހުން ޝާއިއު ކުރީ ބުހުތާނު ދޮގު ހަބަރެއް ކަމަށާއި އެފަދަ ދޮގު ހަބަރު ލިޔަނީ ސަރުކާރުގެ ހަރަދުތައް ކުޑަކުރެއްވުމަށާއި، މިދިޔަ 5 އަހަރު ގައުމު ވައްޓާލާފައި އޮތް ދަރަނީގެ އަނދަވަޅުން ގައުމު ސަލާމަތްކުރައްވަން ރައީސް ޑރ. މުއިއްޒު ކުރައްވާ މަސައްކަތްޕުޅު ދިވެހި ރައްޔިތުން ބަލައިގަންނާތީ، ކަމުގެ ހަގީގަތް އޮޅުވާލުމަށް ކަަމަށް ހީނާ ވިދާޅުވިއެވެ.
